തൃശൂർ: ഓണത്തിന് പുലിക്കളി നടത്തേണ്ടെന്ന തീരുമാനം തൃശൂർ കോർപറേഷൻ പിൻവലിച്ചു. വയനാട് ദുരന്തത്തിന്റെ പശ്ചാത്തലത്തിൽ പുലിക്കളി നടത്തേണ്ടെന്ന തീരുമാനമാണ് പിൻവലിച്ചത്. തൃശൂരിന്റെ പൊതുവികാരം മാനിച്ചാണ് തീരുമാനം തിരുത്താൻ കോർപറേഷൻ തയ്യാറായത്.(Thrissur corporation decided to conduct Pulikkali)
കോർപറേഷനിൽ ചേർന്ന സർവകക്ഷി യോഗത്തിലാണ് തീരുമാനം. പുലിക്കളി നടത്താൻ കോർപറേഷൻ കൗൺസിൽ യോഗവും തീരുമാനിച്ചു. പുലിക്കളി നടത്തുന്നതിനാൽ ഏറെ പണം ചെലവിട്ട് സംഘങ്ങൾ പണി തുടങ്ങിയിരുന്നു. ഇതുകൂടി പരിഗണിച്ചാണ് പുലിക്കളി നടത്താൻ തീരുമാനിച്ചത്. പുലിക്കളി സംഘങ്ങൾക്ക് ധനസഹായം നൽകാനും തീരുമാനമായി. എല്ലാ വർഷവും നാലാമോണത്തിന് ആണ് തൃശൂരിൽ പുലിക്കളി നടത്താറുള്ളത്. ഇത്തവണ ആറു സംഘങ്ങളാണ് പുലിക്കളിയ്ക്കിറങ്ങുക.
