മദ്യശാലയിൽ നിന്ന് പരിചയപ്പെട്ട യുവതിയെ കൂട്ട ബലാത്സംഗം ചെയ്ത് കൊലപ്പെടുത്തിയ മൂന്ന് പേർ പിടിയിൽ. ചെന്നൈ സ്വദേശികളായ യുവാക്കളെയാണ് പിടികൂടിയത്. അതേസമയം കൊല്ലപ്പെട്ട യുവതി ആരാണെന്ന് തിരിച്ചറിയാൻ ഇതുവരെ പൊലീസിനായിട്ടില്ല. സിസിടിവി പരിശോധനയിലൂടെയാണ് പോലീസ് പ്രതികളിലേക്കെത്തിയത്.
സംഭവത്തെക്കുറിച്ച് പോലീസ് പറയുന്നത് ഇങ്ങനെ
സ്ഥലത്തെ മദ്യ വില്പനശാലയിൽ നിന്നും മദ്യം വാങ്ങാൻ എത്തിയതായിരുന്നു യുവതി. ഇതേസമയം ഇവിടെ മദ്യം വാങ്ങുന്നതിനായി യുവാക്കളും എത്തി. ഇവർ തമ്മിൽ പരിചയപ്പെട്ട ശേഷം മദ്യം വാങ്ങി നടന്നു നീങ്ങിയ യുവതിയെ യുവാക്കൾ പിന്തുടരുകയായിരുന്നു. വഴിയിൽ വച്ച് യുവാവും യുവതികളും മദ്യം പൊട്ടിച്ച് കഴിച്ചു. പിന്നീടാണ് ക്രൂര കൂട്ട ബലാൽസംഗം അരങ്ങേറിയത് എന്നാണ് പോലീസിന്റെ അനുമാനം. സംഭവത്തിൽ പ്രദേശവാസികളായ മൂന്നു യുവാക്കളെയാണ് പോലീസ് അറസ്റ്റ് ചെയ്തത്. അതേസമയം കൊല്ലപ്പെട്ട യുവതി ഏത് നാട്ടിലുള്ളതാണെന്ന് തിരിച്ചറിയാനായിട്ടില്ല. ആന്ധ്രപ്രദേശ് സ്വദേശിനിയാണ് യുവതി എന്നാണ് പോലീസിന്റെ പ്രാഥമിക നിഗമനം. പോസ്റ്റുമോർട്ടം റിപ്പോർട്ടിന് ശേഷമേ കൂടുതൽ കാര്യങ്ങളിൽ വ്യക്തത വരു.
