ജയിൽ വകുപ്പിന്റെ ഭക്ഷണശാലയിൽ മോഷണം
തിരുവനന്തപുരം: ജയിൽ വകുപ്പിന്റെ ഭക്ഷണശാലയിൽ വൻ മോഷണം. പൂജപ്പുര സെന്ട്രൽ ജയിലിന്റെ ഭാഗമായുള്ള പൂജപ്പുരയിലെ കഫറ്റീരിയിൽ ആണ് മോഷണം നടന്നത്. ഇവിടെ സൂക്ഷിച്ചിരുന്ന നാലു ലക്ഷം രൂപയാണ് നഷ്ടമായത്.
ഇന്ന് ട്രഷറിയിൽ അടയ്ക്കാൻ വെച്ചിരുന്ന പണമാണ് മോഷണം പോയതെന്നാണ് ജയിൽ വകുപ്പ് അധികൃതര് അറിയിച്ചു. തടവുകാര് ഉള്പ്പെടെ ഈ കഫേയിൽ ജോലി ചെയ്യുന്നുണ്ട്.
ഈ സ്ഥലത്തെ ഒരു ക്യാമറ പോലും പ്രവര്ത്തിക്കുന്നില്ലെന്ന് പൊലീസ് അറിയിച്ചു. ഇന്നലെ രാത്രി മോഷണം നടന്നതായാണ് വിവരം. പൂജപ്പുരയിൽ നിന്ന് ജഗതി ഭാഗത്തേക്ക് വരുന്ന റോഡിന്റെ അരികിലായാണ് ഈ കഫറ്റീരിയ പ്രവര്ത്തിക്കുന്നത്.
കഴിഞ്ഞ രണ്ടു മൂന്നു ദിവസത്തെ വരുമാനമാണ് മോഷണം പോയത്. ഭക്ഷണശാലക്ക് പുറകിലായുള്ള മറ്റൊരു മുറിയുമുണ്ട്. ഭക്ഷണശാല പൂട്ടിയിട്ട് താക്കോല് ഒരു സ്ഥലത്ത് വെച്ചിരുന്നു.
ഈ താക്കോലെടുത്ത ശേഷം പിന്നിലെ മുറി തുറന്ന് മേശയ്ക്കുള്ളിൽ നിന്ന് പണം എടുത്തുകൊണ്ടുപോയെന്നാണ് ജയിൽ വകുപ്പ് അധികൃതര് പറയുന്നത്. താക്കോലും പണവും എവിടെയാണ് ഉള്ളതെന്ന് കൃത്യമായി അറിയുന്ന ആളാണ് മോഷണം നടത്തിയതെന്നാണ് പ്രാഥമിക നിഗമനം.
പൂജപ്പുര സെൻട്രൽ ജയിലിൽ മോഷണം
തിരുവനന്തപുരം: പൂജപ്പുര സെൻട്രൽ ജയിലിൽ നിന്ന് അഞ്ചര ലക്ഷം രൂപ വില വരുന്ന സാധനങ്ങള് മോഷണം പോയി.
സോളാർ പ്ലാൻ്റിൻ്റെ ഉപയോഗശൂന്യമായ ബാറ്ററികളിലെ വിലപിടിപ്പുള്ള സാധനങ്ങളാണ് മോഷണം പോയത്. 300 ബാറ്ററികളിൽ നിന്നാണ് ഇത്തരത്തിൽ മോഷണം നടന്നത്. ജയിൽ വളപ്പിലെ പവർ ലോൺട്രി യൂണിറ്റ് കെട്ടിടത്തിൽ ആണ് മോഷണം നടന്നത്.
നാലു വർഷത്തിനിടെയാണ് മോഷണം എന്ന് പൂജപ്പുര സെൻട്രൽ ജയിൽ സൂപ്രണ്ട് പൊലീസിൽ കൊടുത്ത പരാതിയിൽ പറയുന്നു.
സൂപ്രണ്ടിൻറെ പരാതിയിൽ പൂജപ്പുര പൊലീസ് കേസെടുത്തിട്ടുണ്ട്. അന്വേഷണം തുടരുന്നതായി പൂജപ്പുര പൊലീസ് അറിയിച്ചു.
Summary: Thiruvananthapuram Poojappura Central Jail cafeteria reported a major theft, with nearly ₹4 lakh stolen. The incident has raised serious concerns over security lapses within the jail premises.
