ട്രെയിനിൽ മൊബൈൽ ഫോൺ മോഷണം നടത്തിയ പ്രതി ഫോൺ ചാർജ് ചെയ്യാനായി ശ്രമിക്കുന്നതിനിടെ കോട്ടയത്ത് അറസ്റ്റിൽ. (Thief arrested for stealing mobile phone from train in kottayam )
കഴിഞ്ഞദിവസം രാവിലെ എറണാകുളത്ത് നിന്ന് കോട്ടയത്തേക്ക് എത്തിയ ട്രെയിനിന്റെ സ്ലീപ്പർ കോച്ചിൽ നിന്നും ആണ് മൊബൈൽ മോഷ്ടിച്ചത്.
അസം ടിൻസുകിയ മക്കുംകില്ല സ്വദേശി ദർശൻ ചേത്രി (23)യാണ് ആർപിഎഫ് ക്രൈം പ്രിവൻഷൻ ആൻഡ് ഡിറ്റക്‌ഷൻ സ്ക്വാഡിന്റെ പിടിയിലായത്.
മോഷ്ടിച്ച ഫോൺ റെയിൽവേ സ്റ്റേഷനിൽ ചാർജ് ചെയ്യാൻ ശ്രമിക്കുന്നതിനിടെയാണ് സംശയാസ്പദ സാഹചര്യത്തിൽ നിന്ന ദർശനെ സിപിഡിഎസ് കസ്റ്റഡിയിലെടുത്തത്.
ഉദ്യോഗസ്ഥരായ ഫിലിപ്സ് ജോൺ, ജി.വിപിൻ, എസ്.വി.ജോസ്, അനീഷ് തോമസ് എന്നിവരടങ്ങിയ സംഘം പ്രതിയെ കസ്റ്റഡിയിലെടുത്തു.
