ഡൽഹി: അതിരുകടന്ന വിവാഹ ആഘോഷത്തിനിടെ ആകാശത്തേക്ക് വെടിയുതിർത്തത്തിൽ രണ്ട് പേർക്ക് പരിക്കേറ്റതായി പോലീസ് ഉദ്യോഗസ്ഥർ അറിയിച്ചു. ഞായറാഴ്ച്ചയാണ് സംഭവം നടക്കുന്നത്. ഗൗതം ബുദ്ധ നഗർ ജില്ലയിലാണ് സംഭവം.
സകിപൂർ ഗ്രാമത്തിലെ ആശിർവാദ് വിവാഹഭവനിൽ വച്ചായിരുന്നു ബിസ്രാഖിലെ ഗ്രാമവാസിയായ അലോകിൻ്റെ വിവാഹ ഘോഷയാത്ര നടന്നത്. രാത്രി 10 മണിയോടെ വിവാഹ ഘോഷയാത്രയിലുണ്ടായിരുന്ന ചിലർ ആഘോഷത്തിന്റെ ഭാഗമായി ആകാശത്തേക്ക് വെടിയുതിർക്കുകയായിരുന്നു. ഇത് സ്ഥാനം മാറി പതിച്ചതാകട്ടെ രണ്ടു പേരുടെ ദേഹത്ത്.
ഇവരെ ഉടൻ തന്നെ ആശുപത്രിയിൽ പ്രവേശിപ്പിച്ചുവെന്നും ഇവരിൽ ഒരാളുടെ നില ഗുരുതരമാണെന്നും പൊലീസ് അറിയിച്ചു. അതേ സമയം സിസിടിവി ക്യാമറ ദൃശ്യങ്ങൾ അടിസ്ഥാനമാക്കി പടക്കം പൊട്ടിച്ച പ്രതികളെ തിരിച്ചറിയാനുള്ള ശ്രമങ്ങൾ നടന്നുവരികയാണ്.
