റോഡരികിലൂടെ നടന്നു നീങ്ങുകയായിരുന്ന വിദ്യാർഥികളുടെ സമീപത്തേക്ക് മതിൽ ഇടിഞ്ഞുവീണു; രക്ഷപ്പെട്ടത് അത്ഭുതകരമായി

റോഡരികിലൂടെ നടന്നു നീങ്ങുകയായിരുന്ന മദ്രസ വിദ്യാർഥികളുടെ സമീപത്തേക്ക് മതിൽ ഇടിഞ്ഞുവീണു. കുട്ടികൾ ഓടിമാറിയതിനാൽ മാത്രമാണ് വൻ അപകടം ഒഴിവായത്. അഞ്ചരക്കണ്ടി ടൗണിൽ വ്യാഴാഴ്ച രാവിലെയാണ് സംഭവം. മദ്രസയിൽ നിന്ന് മടങ്ങുകയായിരുന്ന കുട്ടികൾക്ക് മുന്നിലേക്കാണ് മതില്‍ ഇടിഞ്ഞുവീണത്. അപകടത്തിന്റെ ദൃശ്യങ്ങൾ പുറത്തുവന്നു. കുട്ടികൾ അത്ഭുതകരമായിട്ടാണ് രക്ഷപ്പെട്ടത്. (The wall collapsed near the madrasa students who were walking along the road)

ALSO READ:

കനത്തമഴ; ഈ ജില്ലകളിലെ വിദ്യാഭ്യാസ സ്ഥാപനങ്ങൾക്ക് നാളെ അവധി

കാസർകോട്: സംസ്ഥാനത്ത് കനത്ത മഴയെ തുടർന്ന് കാസർകോട് ജില്ലയിലെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ച് ജില്ലാ കളക്ടർ. ജില്ലയിലെ വിദ്യാലയങ്ങൾ, അങ്കണവാടികൾ, മദ്രസകൾ തുടങ്ങിയ വിദ്യാഭ്യാസ സ്ഥാപനങ്ങൾക്കാണ് അവധി പ്രഖ്യാപിച്ചത്. അതേ സമയം കോളേജുകൾക്ക് നാളത്തെ അവധി ബാധകമല്ലെന്നും മുൻകൂട്ടി പ്രഖ്യാപിച്ച പരീക്ഷകളിൽ മാറ്റമില്ലെന്നും കളക്ടർ വ്യക്തമാക്കി. (Heavy rain; school holiday tomorrow)

കണ്ണൂർ ജില്ലയിലെ എല്ലാ വിദ്യാഭ്യാസ സ്ഥാപനങ്ങൾക്കും നാളെ അവധി പ്രഖ്യാപിച്ചിട്ടുണ്ട്. കണ്ണൂർ ജില്ലയിലെ മിക്ക പ്രദേശങ്ങളിലും കഴിഞ്ഞ 24 മണിക്കൂറിൽ അതിശക്തമായ മഴയും കാറ്റും തുടരുന്നതിനാൽ നാളെയും അതിതീവ്രമായ മഴ തുടരുമെന്ന മുന്നറിയിപ്പുണ്ടെന്ന് ജില്ലാ കളക്ടര്‍ അറിയിച്ചു. ജില്ലയിലെ സ്റ്റേറ്റ്, സിബിഎസ്ഇ, ഐസിഎസ്സി സ്‌കൂളുകൾ, കേന്ദ്രീയ വിദ്യാലയങ്ങൾ, അങ്കണവാടികൾ, മദ്രസകൾ തുടങ്ങിയ എല്ലാ വിദ്യാഭ്യാസ സ്ഥാപനങ്ങൾക്കും അവധി പ്രഖ്യാപിച്ചു.