കോഴിക്കോട് ചക്കിട്ടപ്പാറയിൽ വീണ്ടും പുലിയിറങ്ങി; കൂട്ടിലടച്ചിരുന്ന വളർത്തുനായ്ക്കളെ ആക്രമിച്ചു; പ്രദേശത്ത് ജാഗ്രതാ നിർദേശം

കോഴിക്കോട് ചക്കിട്ടപ്പാറയിൽ വീണ്ടും പുലിയിറങ്ങി. ബുധനാഴ്ച രാത്രിയിലായിരുന്നു സംഭവം. പൂഴിത്തോട് ജെമിനി കുമ്പുക്കലിന്റെ വീട്ടിലെയും പൂഴിത്തോട് സെന്റ് മേരീസ് ഭാഗത്തുള്ള സണ്ണി ഉറുമ്പിലിന്റെയും വീട്ടിലേയും പട്ടികളെ പുലി ആക്രമിച്ചു പരിക്കേൽപ്പിച്ചു. കൂട്ടിലടച്ചിരുന്ന വളർത്തുനായ്ക്കളെയാണ് പുലി കടിച്ചത്. വ്യാഴാഴ്ച രാത്രി പൂഴിത്തോട് കുരിശുപള്ളിക്ക് സമീപത്ത് വച്ച് പുലിയെ കണ്ടതായി പ്രദേശവാസി പറഞ്ഞു. സമീപത്തെ പറമ്പില്‍ നിന്ന് ചാടിയ പുലി റോഡിലൂടെ അടുത്ത പറമ്പിലേക്ക് ഓടിപ്പോയെന്നാണ് പ്രദേശവാസി പറഞ്ഞത്. രാത്രികാലങ്ങളിലുള്ള സഞ്ചാരവും ഒറ്റയ്ക്കുള്ള സഞ്ചാരവും ജാഗ്രതയോടെ വേണമെന്ന് പൊലീസ് മൈക്കിലൂടെ ജാ​ഗ്രത നിർദേശം നൽകി. പെരുവണ്ണാമൂഴി ഡെപ്യൂട്ടി റെയ്ഞ്ച് ഓഫീസര്‍ ഇ. ബൈജുനാഥിന്റെ നേതൃത്വത്തിലുള്ള സംഘം സ്ഥലം പരിശോധിച്ചു.

Read Also: അർദ്ധരാത്രിയിൽ വന്ന ഫോൺകോൾ രോഗിയുടേതെന്നു കരുതി എടുത്ത 71 കാരനായ ഡോക്ടർ കണ്ടത് വസ്ത്രമുരിയുന്ന സ്ത്രീയെ; പിന്നാലെ നഷ്ടമായത് 9 ലക്ഷം രൂപ