ഗാസിയാബാദ് : റൊട്ടിമാവ് മൂത്രമൊഴിച്ച് കുഴച്ച ജോലിക്കാരി അറസ്റ്റിൽ . ഡൽഹിയോട് ചേർന്നുള്ള ഗാസിയാബാദിലെ ഗാസിയാബാദിലെ ക്രോസിംഗ് റിപ്പബ്ലിക് ഏരിയയിലാണ് സംഭവം. കരൾ സംബന്ധമായ ആരോഗ്യപ്രശ്നങ്ങളാൽ ബുദ്ധിമുട്ടുന്ന കുടുംബത്തിന്റേതാണ് പരാതി. കഴിഞ്ഞ എട്ട് വർഷമായി ഈ വീട്ടിൽ ജോലി ചെയ്തു വരികയാണ് അറസ്റ്റിലായ റീന .
അടുത്ത സമയത്തായി വീട്ടിൽ മോഷണം പതിവായതോടെ കുടുംബത്തിന് റീനയിൽ സംശയം തോന്നി . തുടർന്ന് വീട്ടുജോലിക്കാരി എത്തുന്നതിന് മുമ്പ് മൊബൈൽ ക്യാമറ സ്വിച്ച് ഓൺ ചെയ്ത് അടുക്കളയിൽ ഒളിപ്പിച്ചു. എന്നാൽ ക്യാമറയിൽ പതിഞ്ഞത് മോഷണമായിരുന്നില്ല . മറിച്ച് ജോലിക്കാരിയുടെ ‘ ഞെട്ടിപ്പിക്കുന്ന ‘ പാചകമായിരുന്നു.
അടുക്കളയിൽ കയറിയ ജോലിക്കാരി ഒരു പാത്രത്തിൽ മൂത്രമെടുക്കുന്നതും, അതേ മൂത്രത്തിൽ മാവ് കുഴച്ച് റൊട്ടി ഉണ്ടാക്കുകയും ചെയ്യുന്നത് ദൃശ്യങ്ങളിൽ വ്യക്തമായി കാണാമായിരുന്നു. ഈ റൊട്ടികൾ തന്നെ വീട്ടിലെ കുട്ടികൾക്ക് സ്കൂളിൽ കൊണ്ടുപോകാൻ ബോക്സിനുള്ളിലാക്കി കൊടുത്തു. അടുക്കളയിൽ നിന്ന് ഒരു പോളിത്തീൻ ബാഗിൽ തക്കാളിയും ഉള്ളിയും ഉരുളക്കിഴങ്ങും മറ്റും പൊതിഞ്ഞ് വസ്ത്രത്തിൽ ഒളിപ്പിക്കുകയും ചെയ്യുന്നുണ്ട് .
ജോലിക്കാരി പോയയുടൻ വീഡിയോ കണ്ട കുടുംബം ഉടൻ സ്കൂളിലേക്ക് പോയ കുട്ടികളെ വിളിച്ച് ഭക്ഷണം വലിച്ചെറിയാൻ ആവശ്യപ്പെടുകയായിരുന്നു. ഇതിനുശേഷം വീട്ടിൽ സൂക്ഷിച്ചിരുന്ന ഭക്ഷണവും വലിച്ചെറിഞ്ഞ് പോലീസിൽ വിവരമറിയിക്കുകയായിരുന്നു. വീഡിയോയുടെ അടിസ്ഥാനത്തിൽ യുവതിക്കെതിരെ പോലീസ് കേസെടുത്ത് അറസ്റ്റ് ചെയ്തു. ഇവർ തയ്യാറാക്കിയ ഭക്ഷണം കഴിച്ച് കരൾ രോഗം ബാധിച്ച് വലയുകയാണ് കുടുംബം.
English Summary
The maid who kneaded roti flour by urinating was arrested
