ചാലക്കുടി പുഴയ്ക്ക് കുറുകെയുള്ള റെയില്വെ പാലത്തിൽ ഇന്നലെ അർധരാത്രി നടന്ന അപകടം വെളിപ്പെടുത്തി ലോക്കോ പൈലറ്റ്.
ട്രാക്കിലൂടെ നടന്നുപോകുകയായിരുന്ന നാലു പേര്ക്ക് ട്രെയിൻ തട്ടി അപകടം സംഭവിച്ചതായി ലോക്കോ പൈലറ്റിന്റെ മൊഴിയുടെ അടിസ്ഥാനത്തില് പുഴയില് തെരച്ചില് ആരംഭിച്ചു.
റെയിൽവേ സ്റ്റേഷൻ മാസ്റ്റർ രവിയുടെ നേതൃത്വത്തിൽ പാലത്തിൽ പരിശോധന നടക്കുകയാണ്. എന്നാൽ, ഇതുവരെ യാതൊരു തെളിവും ലഭിച്ചിട്ടില്ല.(The loco pilot revealed what happened on the Chalakudy railway bridge yesterday)
ഇന്നലെ അര്ധരാത്രിക്കുശേഷം ഇതിലൂടെ കടന്നുപോയ ട്രെയിനിലെ ലോക്കോ പൈറ്റാണ് ഈ വിവരം പൊലീസിന് കൈമാറിയത്. ഒരാളെ ട്രയിൻ തട്ടുകയും മറ്റ് മൂന്നുപേർ പുഴയിൽ ചാടുകയും ചെയ്തതായാണ് ലോക്കോ പൈലറ്റ് പൊലീസിനെ അറിയിച്ചത്.
വിവരം അറിഞ്ഞതു മുതൽ, പൊലീസും ഫയർ ഫോഴ്സും നടത്തിയ തെരച്ചിലിൽ പക്ഷെ ഒന്നും കണ്ടെത്താനായില്ല. ട്രാക്കിലോ സമീപത്തോ ട്രെയിൻ തട്ടിയെന്ന് പറയുന്നത്തിന്റെ സൂചനകൾ കണ്ടെത്താനായിട്ടില്ല.
