അടുത്ത ദിവസങ്ങളിലും ശക്തമായ മഴ

അടുത്ത ദിവസങ്ങളിലും ശക്തമായ മഴ

തിരുവനന്തപുരം: സംസ്ഥാനത്ത് കനത്ത മഴ തുടരുമെന്ന് മുന്നറിയിപ്പ്. ഓറഞ്ച്, യെല്ലോ ജാഗ്രതാ നിർദേശങ്ങൾ നൽകി. കേരളത്തിൽ അടുത്ത ദിവസങ്ങളിലും ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി. ഇന്നും നാളെയും ശക്തമായ മഴയ്ക്കും ശക്തമായ കാറ്റിനും സാധ്യതയുള്ളതായി മുന്നറിയിപ്പ് ഉണ്ട്.

ഇന്ന് ഓറഞ്ച് അലർട്ട് പുറപ്പെടുവിച്ച ജില്ലകൾ:

കൊല്ലം

പത്തനംതിട്ട

ആലപ്പുഴ

കോട്ടയം

എറണാകുളം

ഇടുക്കി

തൃശൂർ

ഇന്ന് യെല്ലോ അലർട്ട് ഉള്ള ജില്ലകൾ:

തിരുവനന്തപുരം

പാലക്കാട്

മലപ്പുറം

കോഴിക്കോട്

വയനാട്

കണ്ണൂർ

കാസർകോട്

നാളെ ഓറഞ്ച് അലർട്ട്:

പത്തനംതിട്ട

കോട്ടയം

എറണാകുളം

ഇടുക്കി

തൃശൂർ

പാലക്കാട്

മലപ്പുറം

നാളെ യെല്ലോ അലർട്ട് ഉള്ള ജില്ലകൾ:

തിരുവനന്തപുരം

കൊല്ലം

ആലപ്പുഴ

കോഴിക്കോട്

വയനാട്

കണ്ണൂർ

കാസർകോട്

യെല്ലോ ജാഗ്രത:

ഞായറാഴ്ച: ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട്

തിങ്കളാഴ്ച: കോഴിക്കോട്, വയനാട്, കണ്ണൂർ, കാസർകോട്

ചൊവ്വാഴ്ച: കണ്ണൂർ, കാസർകോട്

24 മണിക്കൂറിനിടെ 64.5 mm മുതൽ 115.5 mm വരെ മഴ ലഭിക്കാൻ സാധ്യതയുണ്ട്. മണിക്കൂറിൽ 50 കിലോമീറ്റർ വരെ വേഗതയുള്ള കാറ്റിനും സാധ്യതയുണ്ട്.

മുന്നറിയിപ്പുകൾ:

ഉരുൾപൊട്ടൽ, മണ്ണിടിച്ചിൽ, മലവെള്ളപ്പാച്ചിൽ തുടങ്ങിയ ദുരന്തങ്ങളുടെ സാധ്യതയുള്ള പ്രദേശങ്ങളിലെ താമസക്കാർ അധികൃതരുടെ നിർദേശ പ്രകാരം സുരക്ഷിത സ്ഥലങ്ങളിലേക്ക് മാറണം.

നദിക്കര, അണക്കെട്ടുകളുടെ കീഴ്പ്രദേശങ്ങൾ എന്നിവിടങ്ങളിലും മുൻകരുതലുകൾ വേണം.

അത്യാവശ്യത്തിനല്ലെങ്കിൽ മഴക്കാലയാത്രകൾ ഒഴിവാക്കുക.

വെള്ളച്ചാട്ടങ്ങൾ, ജലാശയങ്ങൾ, മലയോര വിനോദസഞ്ചാര കേന്ദ്രങ്ങൾ തുടങ്ങിയവിടങ്ങളിലേക്ക് യാത്ര ഒഴിവാക്കാൻ അധികൃതർ കർശനമായി നിർദേശിക്കുന്നു.

തെക്കൻ കേരളത്തിലും മധ്യകേരളത്തിലും ശക്തമായ മഴ; അവധി അറിയിപ്പുകൾ

തിരുവനന്തപുരം: സംസ്ഥാനത്ത് ഇന്നും അതിശക്തമായ മഴക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ് അറിയിച്ചു. തെക്കൻ കേരളത്തിലും മധ്യകേരളത്തിലും ശക്തമായ മഴയുടെ സാധ്യത തുടരുകയാണെന്ന് മുന്നറിയിപ്പ് പുറത്തുവിട്ടിട്ടുണ്ട്.

മഴയുടെ തീവ്രതയെ അടിസ്ഥാനമാക്കി ഇടുക്കി, എറണാകുളം ജില്ലകളിലെ എല്ലാ വിദ്യാഭ്യാസ സ്ഥാപനങ്ങൾക്കും (പ്രൊഫഷണൽ കോളജുകൾ ഉൾപ്പെടെ) ഇന്ന് (ജൂലൈ 25) അവധി പ്രഖ്യാപിച്ചിട്ടുണ്ട്. കോട്ടയം ജില്ലയിൽ കോട്ടയം, കാഞ്ഞിരപ്പള്ളി, മീനച്ചിൽ താലൂക്കുകളിലെ എല്ലാ വിദ്യാഭ്യാസ സ്ഥാപനങ്ങൾക്കും ഇന്ന് അവധിയാണ്.

ജാഗ്രതാ നിർദ്ദേശങ്ങളും മുന്നറിയിപ്പുകളും:

ഓറഞ്ച് അലർട്ട് പ്രഖ്യാപിച്ച ജില്ലകൾ (ജൂലൈ 25):
കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം

യെല്ലോ അലർട്ട് (ജൂലൈ 25):
തിരുവനന്തപുരം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ്

ഓറഞ്ച് അലർട്ട് (ജൂലൈ 26):
കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്

യെല്ലോ അലർട്ട് (ജൂലൈ 26):
തിരുവനന്തപുരം, കൊല്ലം, പത്തനംതിട്ട, ആലപ്പുഴ, മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ്

യെല്ലോ അലർട്ട് (ജൂലൈ 27):
ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസറഗോഡ്

യെല്ലോ അലർട്ട് (ജൂലൈ 28):
കോഴിക്കോട്, വയനാട്, കണ്ണൂർ, കാസറഗോഡ്

ജില്ലാതല അവധി പ്രഖ്യാപനങ്ങൾ:

എറണാകുളം:

ഒറ്റപ്പെട്ട ശക്തമായ മഴയും കാറ്റും തുടരുന്നതിനാൽ, ജൂലൈ 25 വെള്ളിയാഴ്ച പ്രൊഫഷണൽ കോളജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും അവധിയായിരിക്കും. അങ്കണവാടികളും ട്യൂഷൻ സെന്ററുകളും ഇതിൽ ഉൾപ്പെടും.

ഇടുക്കി:

തുടർച്ചയായ കനത്ത മഴയും കാറ്റും തുടരുകയും ചെയ്തതിനാൽ അപകട സാധ്യതകൾ പരിഗണിച്ച് ജില്ലയിൽ എല്ലാ വിദ്യാഭ്യാസ സ്ഥാപനങ്ങൾക്കും (പ്രൊഫഷണൽ കോളജുകൾ, അങ്കണവാടികൾ, മദ്രസകൾ, ട്രെയിനിങ് ഇൻസ്റ്റിറ്റ്യൂട്ടുകൾ, കേന്ദ്രീയ വിദ്യാലയങ്ങൾ, ട്യൂഷൻ സെന്ററുകൾ എന്നിവ ഉൾപ്പെടെ) ഇന്ന് അവധി പ്രഖ്യാപിച്ചു. റെസിഡൻഷ്യൽ സ്ഥാപനങ്ങൾക്കും അവധി ബാധകമാണ്. നഷ്ടപ്പെട്ട ക്ലാസുകൾ ഓൺലൈൻ വഴി പുനസംഘടിപ്പിക്കാൻ വിദ്യാഭ്യാസ സ്ഥാപന മേധാവികൾ ചുമതല ഏറ്റെടുക്കണം. അനാവശ്യ യാത്രകൾ ഒഴിവാക്കാനും വീടിനകത്ത് സുരക്ഷിതമായി കഴിയാനും ജില്ലാ കളക്ടർ വി. വിഗ്നേശ്വരി അഭ്യർത്ഥിച്ചു.

കോട്ടയം:

കേന്ദ്ര കാലാവസ്ഥാ വകുപ്പിന്റെ മുന്നറിയിപ്പിന്റെ അടിസ്ഥാനത്തിൽ, ജൂലൈ 25 വെള്ളിയാഴ്ച, കോട്ടയം, കാഞ്ഞിരപ്പള്ളി, മീനച്ചിൽ താലൂക്കുകളിലെ എല്ലാ വിദ്യാഭ്യാസ സ്ഥാപനങ്ങൾക്കും (പ്രൊഫഷണൽ കോളജുകൾ, അങ്കണവാടികൾ ഉൾപ്പെടെ) അവധി പ്രഖ്യാപിച്ചു. മുൻകൂട്ടിയായി നിശ്ചയിച്ച പരീക്ഷകൾക്ക് ഈ അവധി ബാധകമല്ലെന്ന് ജില്ലാ കളക്ടർ ജോൺ വി. സാമുവൽ അറിയിച്ചു.

English Summary :

The India Meteorological Department (IMD) has issued a warning for continued heavy rainfall in Kerala over the coming days. Several districts have been placed under Orange and Yellow Alerts due to the likelihood of intense rain and strong winds today and tomorrow.