പല കാരണത്തെ കൊണ്ടും വിവാഹം മുടങ്ങുന്നത് കണ്ടീട്ടുണ്ട്. എന്നാൽ, ഇതൊരു വല്ലാത്ത കാരണമായിപ്പോയി. വരന് വിദ്യാഭ്യാസമില്ലാത്തതിനാല്‍ വധു വിവാഹം വേണ്ടെന്നുവെച്ചുവെന്നുള്ള വാര്‍ത്തയും ഒരു പുതുമയല്ല. എന്നാൽ, ഇത് അതുക്കും മേലെയാണ്. ഉത്തര്‍പ്രദേശിലെ മഹോബയിലാണ് സംഭവം.
യുവാവുമായുള്ള വിവാഹം ഉറപ്പിക്കുമ്പോള്‍ വരന് വിദ്യാഭ്യാസം ഉള്ള വ്യക്തിയാണ് എന്നു വധുവിനെ അറിയിച്ചിരുന്നു. എന്നാൽ, ശരിക്കും വരന് നിരക്ഷരനായിരുന്നു. ഇക്കാര്യം വരന്റെ വീട്ടുകാര്‍ വധുവിന്റെ പക്കല്‍ നിന്ന് മറച്ചുവെച്ചു. എന്നാല്‍, സംശയം തോന്നിയ വധു വരന് എത്ര വിദ്യാഭ്യാസം നേടിയിട്ടുണ്ടെന്ന് അറിയാന്‍ തീരുമാനിക്കുകയായിരുന്നു. ബറാത്ത് ഘോഷയാത്രയുമായി വരന് വിവാഹവേദിയില്‍ എത്തിയപ്പോള്‍ സംശയം തോന്നിയ വധു വിവാഹമാല കൈമാറുന്നതിന് മുമ്പ് വരനോട് രണ്ടിന്റെ ഗുണനപട്ടിക ചൊല്ലാന്‍ ആവശ്യപ്പെട്ടു. എന്നാല്‍, പട്ടിക ചൊല്ലിക്കേള്‍പ്പിക്കാന്‍ വരനായില്ല. ഇതേത്തുടർന്ന് വധു വിവാഹത്തിൽ നിന്നും പിന്മാറി ഇറങ്ങിപ്പോകുകയായിരുന്നു.
