കൊച്ചി: ടിക്കറ്റ് വില 50 രൂപ, ഒരു കോടി രൂപ ഒന്നാം സമ്മാനമുള്ള പുതിയ ലോട്ടറി ടിക്കറ്റിന്റെ ആദ്യ നറുക്കെടുപ്പ് മേയ് രണ്ടിന് നടക്കും.
വെള്ളിയാഴ്ചകളിലെ ‘സുവർണ കേരളം” ടിക്കറ്റാണ് ആദ്യം നറുക്കെടുക്കുന്നത്. രണ്ടാം സമ്മാനം 30 ലക്ഷം രൂപയും മൂന്നാം സമ്മാനം 25 ലക്ഷം രൂപയുമാണ്. ആകെ 24,11,67,000 രൂപയുടെ 6,54,507 സമ്മാനങ്ങളാണുള്ളത്.
സംസ്ഥാനത്തെ ഏഴ് ലോട്ടറികളുടെയും ഒന്നാംസമ്മാനം ഒരുകോടി രൂപയാക്കിയും ടിക്കറ്റ് വില 50 രൂപയാക്കിയും ലോട്ടറി വകുപ്പ് നേരത്തെ ഉത്തരവിറക്കിയിരുന്നു.
നാലു ലോട്ടറികളുടെ പേരും മാറ്റിയിട്ടുണ്ട്. നിർമ്മൽ ഭാഗ്യക്കുറിയാണ് സുവർണ കേരളമാക്കി മാറ്റിയത്. എല്ലാ ടിക്കറ്റിന്റെയും ഏറ്റവും കുറഞ്ഞ സമ്മാനത്തുക ടിക്കറ്റിന്റെ വിലയായ 50 രൂപയാണ്.
ഇതുവരെ, ബുധനാഴ്ച നറുക്കെടുക്കുന്ന 50 രൂപയുടെ ഫിഫ്റ്റി ഫിഫ്റ്റി ലോട്ടറിക്ക് മാത്രമായിരുന്നു ഒരുകോടി സമ്മാനം നൽകിയിരുന്നത്. മറ്റുള്ളവയ്ക്ക് 40 രൂപയായിരുന്നു.
ഫിഫ്റ്റി-ഫിഫ്റ്റി 96 ലക്ഷവും മറ്റുള്ളവ 1.8 കോടിയും ടിക്കറ്റുകളാണ് അച്ചടിച്ചിരുന്നത്. ഇനി എല്ലാ ടിക്കറ്റുകളും 1.8 കോടിയാക്കും. പിന്നീട് ഡിമാൻഡുള്ളവയുടെ എണ്ണം കൂട്ടും.
മറ്റുലോട്ടറികൾ(രണ്ടാംസമ്മാനം, മൂന്നാംസമ്മാനം (ലക്ഷത്തിൽ), ആകെ സമ്മാനത്തുക, ആകെ സമ്മാനങ്ങൾ: നറുക്കെടുപ്പ് ക്രമത്തിൽ)
ഭാഗ്യതാര : 75 : 1 : 24,16,67,000 : 6,54,505 : തിങ്കൾ
സ്ത്രീശക്തി : 40 : 25 : 24,13,15,000 : 6,54,506 : ചൊവ്വ
ധനലക്ഷ്മി : 50 : 20 : 24,11,67,000 : 6,60,986 : ബുധൻ
കാരുണ്യപ്ലസ് : 50 : 5 : 24,20,23,000 : 6,54,505 : വ്യാഴം
കാരുണ്യ : 50 : 5 : 24,12,87,000 : 6,54,506 : ശനി
സമൃദ്ധി : 75 : 25 : 24,12,51,000 : 6,54,506 : ഞായർ
