വീര സവർക്കറിന്റെ പേരിലുള്ള പുരസ്കാരം സ്വീകരിക്കില്ലെന്ന് ശശി തരൂരിന്റെ ഓഫീസ്
വീര സവർക്കറിന്റെ പേരിലുള്ള പുരസ്കാരം സ്വീകരിക്കില്ലെന്ന് ശശി തരൂരിന്റെ ഓഫീസ് വ്യക്തമാക്കി.
കോൺഗ്രസ് നേതൃത്വത്തിൽനിന്നുള്ള കടുത്ത വിമർശനങ്ങളാണ് തരൂരിനെ പിന്മാറാൻ പ്രേരിപ്പിച്ചതെന്ന് റിപ്പോർട്ടുകൾ സൂചിപ്പിക്കുന്നു.
മറ്റൊരു ചടങ്ങിൽ പങ്കെടുക്കാനായി കൊൽക്കത്തയിലേക്ക് പോകേണ്ടിവരുമെന്ന കാരണമാണ് ഔദ്യോഗികമായി പറഞ്ഞിരിക്കുന്നത്.
വിഷയത്തെക്കുറിച്ച് തരൂർ പരസ്യ പ്രതികരണം നടത്തിയിട്ടില്ല. മാധ്യമപ്രവർത്തകർ വീട്ടിലെത്തിയെങ്കിലും അദ്ദേഹം പുറത്തുവന്നില്ല.
അവാർഡ് സ്വീകരിക്കാമെന്ന് നേരത്തേ ഉറപ്പ് നൽകിയിരുന്നുവെന്ന് സംഘാടക സംഘടനയായ എച്ച്ആർഡിഎസ് ഇന്ത്യ വ്യക്തമാക്കി.
അവാർഡ് ജൂറിയുടെ അധ്യക്ഷൻ ശശി തരൂരുമായി നേരിട്ട് സംസാരിച്ചിരുന്നുവെന്നും പങ്കെടുക്കുമെന്ന ഉറപ്പ് തരൂർ നൽകിയിരുന്നുവെന്നും അവർ പറയുന്നു.
പ്രതിരോധമന്ത്രി രാജ്നാഥ് സിംഗ് പുരസ്കാരം സമ്മാനിക്കാനിരിക്കെയാണ് വിവാദം രൂക്ഷമായത്.
കോൺഗ്രസ് നേതാക്കൾ ശക്തമായ വിമർശനവുമായി രംഗത്തെത്തി. “കോൺഗ്രസിന്റെ രക്തം തരൂരിന്റെ സിരകളിൽ അവശേഷിക്കുന്നുവെങ്കിൽ അവാർഡ് നിരസിക്കണം,” എന്ന് രാജ്മോഹൻ ഉണ്ണിത്താൻ കർശനമായി പ്രതികരിച്ചു.
ആർഎസ്എസുമായി ബന്ധമുള്ളതും വിവാദങ്ങളിൽ കുടുങ്ങിയതുമായ സംഘടനയാണ് എച്ച്ആർഡിഎസ് ഇന്ത്യയെന്നും അദ്ദേഹം ചൂണ്ടിക്കാട്ടി.
അവാർഡ് സ്വീകരിച്ചാൽ കോൺഗ്രസുകാരുടെ മനസ്സിൽ നിന്ന് തരൂർ മാറിപ്പോകുമെന്ന് ഉണ്ണിത്താൻ വിമർശിച്ചു.
സവർക്കറിന്റെ പേരിലുള്ള പുരസ്കാരം ഒരു കോൺഗ്രസുകാരനും എടുക്കരുതെന്ന് കെ. മുരളീധരനും വ്യക്തമാക്കി.
മോദി സ്തുതിയുമായി ബന്ധപ്പെട്ട മുൻ വിവാദങ്ങൾ കൊണ്ടുതന്നെ തരൂരിനെതിരെ പാർട്ടിക്കുള്ളിൽ പ്രതിരോധം ഉയർന്നിരിക്കുമ്പോഴാണ് സവർക്കർ പുരസ്കാരവിവാദവും ചേർന്നത്.
ഇതെല്ലാം പരിഗണിച്ചാണ് തരൂർ പിൻമാറിയതെന്നാണ് വിലയിരുത്തൽ.
English Summary:
Shashi Tharoor has decided not to accept the award named after Veer Savarkar following strong criticism from the Congress leadership. Although his office cited another engagement in Kolkata as the reason, Tharoor has avoided giving any public statement. Organizers, HRDS India, claim that Tharoor had earlier confirmed his participation after speaking directly with the award jury chairman. Defence Minister Rajnath Singh was scheduled to present the awards.
Congress leaders, including Rajmohan Unnithan and K. Muraleedharan, expressed severe objections, stating that no Congress member should accept an award named after Savarkar. With internal opposition already strong due to earlier controversies involving praise for PM Modi, accepting the Savarkar award would have heightened tensions. Understanding the political implications, Tharoor chose to withdraw.
tharoor-savarkar-award-controversy
Shashi Tharoor, Savarkar Award, Congress, HRDS India, Political Controversy, Rajnath Singh, Kerala Politics
