അഹമ്മദാബാദ്: മരിച്ചവരുടെ കുടുംബാംഗങ്ങൾക്ക് ഒരു കോടി. അഹമ്മദാബാദ് വിമാന ദുരന്തത്തിൽ ജീവൻ നഷ്ടമായവരുടെ കുടുംബാംഗങ്ങൾക്ക് ഒരു കോടി രൂപ വീതം നഷ്ടപരിഹാരം പ്രഖ്യാപിച്ച് ടാറ്റാ ഗ്രൂപ്പ്. പരിക്കേറ്റവരുടെ ചികിത്സാ ചിലവുകളും വഹിക്കും എന്നും ടാറ്റാ ഗ്രൂപ്പ് അറിയിച്ചു.
കൂടാതെ വിമാനം തകർന്നു വീണ ബി ജെ ഹോസ്റ്റലിന്റെ പുനർനിർമാണത്തിനും തങ്ങൾ പിന്തുണ നൽകുമെന്ന് ടാറ്റ സൺസ് ചെയർമാൻ എൻ. ചന്ദ്രശേഖരൻ അറിയിച്ചു. ദുരന്തത്തിൽ എൻ. ചന്ദ്രശേഖരൻ ദുഃഖം രേഖപ്പെടുത്തി.
ഒരു യാത്രക്കാരനെ ജീവനോടെ കണ്ടെത്തി…!
അഹമ്മദാബാദിൽ വിമാനം തകർന്ന് ഗുജറാത്ത് മുന് മുഖ്യമന്ത്രി വിജയ് രൂപാണി അടക്കം വിമാനത്തിലുണ്ടായിരുന്ന 241 പേരാണ് മരിച്ചത്. മെഡിക്കല് കോളജ് വിദ്യാര്ഥികളുടെ ഹോസ്റ്റല് കെട്ടിടത്തിന് മുകളിലാണ് വിമാനം തകര്ന്നുവീണത്.
ഇതേ തുടർന്ന് ഹോസ്റ്റലില് ഉണ്ടായിരുന്ന അഞ്ച് ജൂനിയര് ഡോക്ടര്മാരും മരിച്ചിട്ടുണ്ട്. വിദ്യാര്ഥികള് ഭക്ഷണം കഴിക്കുന്നതിനിടെയാണ് അപകടമുണ്ടായത്.
രാജ്യത്തെ ഏറ്റവും വലിയ രണ്ടാമത്തെ വിമാന ദുരന്തമാണ് നടന്നത്. സര്ദാര് വല്ലഭ്ഭായ് പട്ടേല് രാജ്യാന്തര വിമാനത്താവളത്തില് നിന്ന് 242 പേരുമായി ലണ്ടനിലേക്കു പോകുകയായിരുന്ന എഐ171 ബോയിങ് 787 8 ഡ്രീംലൈനര് വിമാനമാണ് അപകടത്തിൽപ്പെട്ടത്. ടേക് ഓഫിനു തൊട്ടു പിന്നാലെ വിമാനത്താവളത്തിനു സമീപത്തെ ജനവാസ മേഖലയില് തകര്ന്നു വീഴുകയായിരുന്നു.
വിമാന ദുരന്തം; വില്ലനായത് പക്ഷിയോ?
ഉച്ചയ്ക്ക് 1.43 നായിരുന്നു അപകടം നടന്നത്. പത്തനംതിട്ട സ്വദേശിനിയായ കോഴഞ്ചേരി പുല്ലാട് കുറുങ്ങുഴ കൊഞ്ഞോണ് വീട്ടില് രഞ്ജിത ആര്.നായർ ആണ് മരിച്ച മലയാളി.
വിമാനാപകടം, യുകെ മലയാളി നേഴ്സ് മരിച്ചു…!
അഹമ്മദാബാദില് നിന്നും ലണ്ടനിലേക്ക് പറന്നുയര്ന്നതിന് പിന്നാലെ കത്തിയമര്ന്ന വിമാനത്തില് മലയാളികളുമുണ്ടായിരുന്നുവെന്ന് റിപ്പോര്ട്ടുകള്.
മലയാളി നേഴ്സായ കോഴഞ്ചേരി പുല്ലാട് കുറുങ്ങഴവീട്ടിൽ രഞ്ജിത ആർ നായർ (40 ) ആണ് മരിച്ചത്.
ജില്ലാ കളക്ടറാണ് മരണ വിവരം സ്ഥിരീകരിച്ചത്. ലണ്ടനിൽ ജോലി ചെയ്യുന്ന രഞ്ജിത, നാട്ടിൽ സർക്കാർ ജോലി ലഭിച്ചപ്പോൾ ഇതിൽ പ്രവേശിക്കാനായി നാട്ടിലേക്ക് എത്തിയതായിരുന്നു.
Summary: മരിച്ചവരുടെ കുടുംബാംഗങ്ങൾക്ക് ഒരു കോടി. Tata Group announces ₹1 crore compensation for each victim’s family of Ahmedabad plane crash. Medical expenses of injured will also be covered.
