ആത്മഹത്യ ജീവിതത്തിൽ ഒന്നിനും പരിഹാരമാകില്ല. എന്നാൽ, ജീവിതം മടുത്തവർക്ക് സ്വയം അത് അവസാനിപ്പിക്കാൻ അവസരമൊരുക്കുകയാണ് സ്വിറ്റ്സർലൻഡിൽ. നിലവിൽ സ്വിറ്റ്സർലൻഡിൽ നിയമാനുസൃതമായി സ്വയം മരണം സ്വീകരിക്കൽ അനുവദനീയമാണ്. ജീവിതം മടുക്കുന്നവർക്കുള്ള ആത്മഹത്യാ വാഹിനികൾക്ക് സാർക്കോ ക്യാപ്സുൾ എന്നാണ് പറയുന്നത്. (Switzerland by introducing Sarco Capsule)
സാർക്കോ ക്യാപ്സുളിനുള്ളില്‍ ഓക്സിജന് പകരം നൈട്രജൻ നിറച്ചാണ് പ്രവർത്തനം. നൈട്രജൻ ശ്വസിക്കുന്നതോടെ ഇതിൽ കയറുന്നയാൾക്ക് ഹൈപ്പോക്സിയ (കോശങ്ങളിൽ ഓക്സിജന്റെ അളവ് കുറയുന്ന അവസ്ഥ) സംഭവിക്കുന്നു. ഇതോടെ മരണം സംഭവിക്കുന്നു. ആത്മഹത്യാ വാഹിനിയിൽ കയറുന്ന ആളുടെ മരണം 5 മിനിറ്റിനുള്ളിൽ തന്നെ സംഭവിക്കും.
എന്നാൽ ഇതിൽ കയറാൻ പണം മാത്രം പോരാ. മരിക്കാൻ തയാറെടുക്കുന്ന ആളുടെ മാനസികനില കൂടി പരിശോധിച്ച് ഉറപ്പു വരുത്തിയ ശേഷമേ ഇതിനനുവദിക്കൂയെന്ന് ആത്മഹത്യാ വാഹിനികളുടെ നിർമാതാക്കളായ ‘ദ് ലാസ്റ്റ് റിസോർട്ട് ഓർഗനൈസേഷൻ’ സിഇഒ ഫ്ലോറിയൻ വില്ലറ്റ് പറയുന്നു.
(ആത്മഹത്യ ഒന്നിനും പരിഹാരമല്ല. മാനസികാരോഗ്യ വിദഗ്‌ധരുടെ സഹായം തേടുക, അതിജീവിക്കാൻ ശ്രമിക്കുക. ഹെൽപ്‌ലൈൻ നമ്പർ – 1056, 0471- 2552056)
