മനുഷ്യ മസ്തിഷ്കത്തിൻ്റെ ശക്തിയെ അനുകരിക്കുന്ന AI സംവിധാനങ്ങൾ നിർമ്മിക്കാൻ വർഷങ്ങളായി ഗവേഷകർ ശ്രമിക്കുന്നു. സയൻസ് ഫിക്ഷൻ സിനിമകാലിലെ മനുഷ്യനെ കമ്പ്യൂട്ടറുമായി ബന്ധപ്പെടുത്തുന്ന ആ രംഗം ഓർക്കുന്നുണ്ടോ? എന്നാൽ, സങ്കൽപ്പം അത്ര വിദൂരമായിരിക്കണമെന്നില്ല. ബയോ കംപ്യൂട്ടർ എന്ന സങ്കല്പം യാഥാർത്ഥമാക്കിയിരിക്കുകയാണ് ഒരുകൂട്ടം ഗവേഷകർ. (Swiss startup has created a ‘tech man’ with 16 brains)
പരമ്പരാഗത സർക്യൂട്ടുകൾക്ക് പകരം ജീവനുള്ള മസ്തിഷ്ക കോശങ്ങൾ ഉപയോഗിക്കുന്ന ഒരു ബയോകമ്പ്യൂട്ടർ സ്വിറ്റ്സർലൻഡിലെ ശാസ്ത്രജ്ഞർ വികസിപ്പിച്ചെടുത്തു. സാധാരണ കമ്പ്യൂട്ടറിനേക്കാൾ വളരെ കുറച്ച് ഊർജ്ജം ഉപയോഗിക്കുന്ന ഈ സംവിധാനം 16 കൃത്രിമ മസ്തിഷ്കങ്ങൾ ചേർന്നതാണ്.
സ്വിസ് ബയോകമ്പ്യൂട്ടിംഗ് സ്റ്റാർട്ടപ്പായ FinalSpark-ൻ്റെ ഒരു റിപ്പോർട്ട് അനുസരിച്ച് , ലോകത്തിലെ ആദ്യത്തെ ജീവനുള്ള പ്രോസസർ വികസിപ്പിക്കാൻ ലക്ഷ്യമിട്ടുള്ള 16 മനുഷ്യ മസ്തിഷ്ക ഓർഗനോയിഡുകൾ വികസിപ്പിച്ചതായി കമ്പനി അവകാശപ്പെടുന്നു.
വിവരങ്ങൾ പഠിക്കാനും പ്രോസസ്സ് ചെയ്യാനും കഴിവുള്ള ജീവനുള്ള ന്യൂറോണുകൾ അടങ്ങിയ ഈ ബയോപ്രോസസറുകൾ പരമ്പരാഗത ഡിജിറ്റൽ പ്രോസസ്സറുകളേക്കാൾ ഒരു ദശലക്ഷം മടങ്ങ് കുറവ് വൈദ്യുതി ഉപയോഗിക്കുന്നു,
”കഴിഞ്ഞ മൂന്ന് വർഷമായി, ന്യൂറോപ്ലാറ്റ്ഫോം 1,000-ലധികം മസ്തിഷ്ക ഓർഗനോയിഡുകൾ ഉപയോഗിച്ചു, ഇത് 18 ടെറാബൈറ്റിലധികം ഡാറ്റ ശേഖരിക്കാൻ പ്രാപ്തമാക്കുന്നു,” FinalSpark സഹസ്ഥാപകൻ ഫ്രെഡ് ജോർദാനും അദ്ദേഹത്തിൻ്റെ സഹപ്രവർത്തകരും പ്രസിദ്ധീകരിച്ച പേപ്പറിൽ പറയുന്നു.
യഥാർത്ഥ മസ്തിഷ്ക കോശങ്ങളുടെ സ്വാഭാവിക കാര്യക്ഷമതയെ പൂർണ്ണമായും ഉപയോഗപ്പെടുത്തുന്ന തരത്തിലാണ് പുതിയ സൃഷ്ടി. സാങ്കേതികവിദ്യയും ജീവശാസ്ത്രവും സമന്വയിക്കുന്ന ഈ സാങ്കേതിക വിദ്യ പാരിസ്ഥിതിക ആഘാതം ഗണ്യമായി കുറയ്ക്കുന്ന കമ്പ്യൂട്ടിംഗിൻ്റെ ഒരു പുതിയ യുഗത്തിന് തുടക്കമിടുന്നു. ഫ്രണ്ടിയേഴ്സ് ഇൻ ആർട്ടിഫിഷ്യൽ ഇൻ്റലിജൻസിൽ ഈ കണ്ടെത്തലുകൾ പ്രസിദ്ധീകരിച്ചിട്ടുണ്ട് .
