സൂര്യയുടെ ബ്രഹ്മാണ്ഡചിത്രം കങ്കുവ തിയേറ്ററുകളിൽ ചരിത്രം സൃഷ്ടിച്ച് മുന്നേറുകയാണ്. ബോബി ഡിയോൾ വില്ലനായി എത്തുന്ന ചിത്രത്തിൽ ദിഷ പടാനിയും ഒരു പ്രധാന കഥാപാത്രത്തെ അവതരിപ്പിക്കുന്നു. ഏകദേശം ₹300–350 കോടി ബജറ്റിലാണ് കങ്കുവ ഒരുക്കിയിരിക്കുന്നത്. Surya’s movie Kankuwa actors remuneration
സൂര്യ ഇരട്ട വേഷത്തിൽ അഭിനയിക്കുന്ന ചിത്രം കൂടിയാണിത്. ശിവ സംവിധാനം ചെയ്യുന്ന ചിത്രത്തിൽ ദിഷ പടാനി, നടരാജൻ സുബ്രഹ്മണ്യം, കെ എസ് രവികുമാർ, യോഗി ബാബു എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
കങ്കുവയിലെ നടീനടന്മാരുടെ പ്രതിഫലം ഇങ്ങനെ: ( മണികൺട്രോൾ റിപ്പോർട്ട് അനുസരിച്ച്)
സൂര്യ: കങ്കുവയിൽ അഭിനയിക്കാൻ 39 കോടി രൂപയാണ് സൂര്യ പ്രതിഫലമായി വാങ്ങിയത്. ലാഭത്തിൻ്റെ ഒരു വിഹിതവും സൂര്യയ്ക്കും ലഭിക്കും.
ബോബി ഡിയോൾ: മണികൺട്രോൾ റിപ്പോർട്ട് അനുസരിച്ച്, കങ്കുവയിൽ അഭിനയിക്കാൻ ബോബി ഈടാക്കിയത് 5 കോടിയാണ്.
ദിഷ പടാനി: ചിത്രത്തിനായി ദിഷ പടാനി ഈടാക്കിയത് 3 കോടി രൂപയാണെന്ന് മണികൺട്രോൾ റിപ്പോർട്ട് ചെയ്യുന്നു
ജ്ഞാനവേൽ രാജയുടെ നേതൃത്വത്തിലുള്ള സ്റ്റുഡിയോ ഗ്രീൻ, വി വംശി കൃഷ്ണ റെഡ്ഡി, പ്രമോദ് ഉപ്പളപതി എന്നിവരുടെ നേതൃത്വത്തിലുള്ള യുവി ക്രിയേഷൻസ് എന്നീ രണ്ട് പ്രധാന നിർമ്മാണ സ്ഥാപനങ്ങൾ ആണ് ചിത്രം നിർമ്മിച്ചിരിക്കുന്നത്.
300-350 കോടി ബജറ്റിൽ റിപ്പോർട്ട് ചെയ്യപ്പെട്ട കങ്കുവ, സമീപകാല ദക്ഷിണേന്ത്യൻ സിനിമയിലെ ഏറ്റവും ചെലവേറിയ പ്രോജക്റ്റുകളിൽ ഒന്നാണ്.
