വോട്ട് ചെയ്യൂ… പുട്ടടിക്കൂ! സപ്ലൈക്കോയുടെ കിടിലൻ ഓഫർ
തിരുവനന്തപുരം: നിയമസഭാ തിരഞ്ഞെടുപ്പിനോട് അനുബന്ധിച്ച് വോട്ടർമാരെ പ്രോത്സാഹിപ്പിക്കാൻ സപ്ലൈക്കോ പ്രത്യേക ഓഫർ പ്രഖ്യാപിച്ചു. വോട്ട് രേഖപ്പെടുത്തുന്നവർക്ക് ഒരു രൂപയ്ക്ക് ഒരു കിലോ ശബരി പുട്ടുപൊടി നൽകുമെന്ന് അധികൃതർ അറിയിച്ചു.
വോട്ടിംഗ് നടത്തിയതായി വിരലിലെ മഷിയടയാളം പരിശോധിച്ച ശേഷമാകും പുട്ടുപൊടി നൽകുക. തിരഞ്ഞെടുപ്പ് ബോധവൽക്കരണത്തിന്റെ ഭാഗമായി ‘വോട്ട് ചെയ്യൂ പുട്ടടിക്കൂ’ എന്ന ടാഗ് ലൈനോടെയാണ് ക്യാമ്പെയിൻ സംഘടിപ്പിച്ചിരിക്കുന്നത്.
ജില്ലാ ഭരണകൂടവും സ്വീപ് (SVEEP) സംവിധാനവും സപ്ലൈക്കോയും ചേർന്നാണ് ഈ പദ്ധതി നടപ്പാക്കുന്നത്. വോട്ട് രേഖപ്പെടുത്തിയതിന് ശേഷം ഏപ്രിൽ 10, 11 തീയതികളിൽ സപ്ലൈക്കോ ഔട്ട്ലെറ്റുകളിൽ എത്തുന്നവർക്കാണ് ഈ ആനുകൂല്യം ലഭിക്കുക.
അതേസമയം, 1000 രൂപയ്ക്ക് മുകളിലുള്ള സബ്സിഡിയില്ലാത്ത സാധനങ്ങൾ സപ്ലൈക്കോയിൽ നിന്ന് വാങ്ങണമെന്ന നിബന്ധനയും ഈ ഓഫറിന് ബാധകമാണ്.
English Summary:
Supplyco announced a special election offer where voters can get 1 kg of puttu powder for ₹1 after casting their vote. The scheme aims to encourage voter participation and is valid on April 10 and 11, subject to conditions.
supplyco-puttu-powder-offer-election-voters-kerala
Supplyco, Kerala Election, Voter Awareness, Puttu Powder Offer, SVEEP, Kerala News, Election Offer
