തിരുവനന്തപുരം: വർക്കല ബീച്ചിൽ തിരയിൽപ്പെട്ട് പതിനാലുകാരിയ്ക്ക് ദാരുണാന്ത്യം. വർക്കല വെൺകുളം സ്വദേശിനി ശ്രേയ (14) ആണ് മരിച്ചത്. ശ്രേയയുടേത് ആത്മഹത്യാ ശ്രമമാണെന്നാണ് പോലീസിന്റെ സംശയം. ഇന്ന് ഉച്ചയ്ക്ക് 12.30 ഓടെയാണ് സംഭവം. ശ്രേയയ്ക്കൊപ്പം മറ്റൊരു വിദ്യാർത്ഥിയും ഉണ്ടായിരുന്നതായി പൊലീസ് പറഞ്ഞു.
മൊബെെൽ ഫോൺ വാങ്ങി നൽകാത്തതിനെ തുടർന്ന് പെൺകുട്ടി വീട്ടിൽ നിന്ന് പിണങ്ങി ഇറങ്ങി പോയതായി പൊലീസ് അറിയിച്ചു. രണ്ട് കുട്ടികൾ കടലിലേക്ക് നടന്ന് പോകുന്നത് നാട്ടുകാരുടെ ശ്രദ്ധയിൽപ്പെടുകയായിരുന്നു. തുടർന്ന് ഇവരെ രക്ഷിക്കാൻ ശ്രമിച്ചെങ്കിലും കുട്ടികൾ തിരയിൽപ്പെട്ടു. പിന്നീടാണ് 14കാരിയുടെ മൃതദേഹം കരയ്‌ക്കടിഞ്ഞത്. ശ്രേയയുടെ ഒപ്പം ഉണ്ടായിരുന്ന കുട്ടിയുടെ വിവരങ്ങൾ ലഭ്യമായിട്ടില്ല.
Read Also: മദ്യോപയോഗം കൂടിയാൽ വിശപ്പ് കുറയും, കാൻസർ സാധ്യത കൂടും; മദ്യപാനികൾക്ക് മുന്നറിയിപ്പ് നൽകി ഐസിഎംആർ
