കോട്ടയം: നിര്ത്തിയിട്ടിരുന്ന ചരക്ക് ട്രെയിനിന് മുകളില് കയറി നടക്കുന്നതിനിടെ ഷോക്കേറ്റ വിദ്യാര്ഥി മരിച്ചു. എറണാകുളം കുമ്പളം സ്വദേശി അദ്വൈതാണ് മരിച്ചത്.
കഴിഞ്ഞ ഒരാഴ്ചയായി കോട്ടയം മെഡിക്കല് കോളജ് ആശുപത്രിയില് ചികിത്സയിലായിരുന്നു അദ്വൈത്. കടുത്തുരുത്തി ഗവ.പോളിടെക്നിക് കോളജ് വിദ്യാർത്ഥിയാണ്.
സെപ്റ്റംബര് ഒന്പതിന് കോട്ടയം ആപ്പാഞ്ചിറയിലെ വൈക്കം റോഡ് റെയില്വേ സ്റ്റേഷനില് വൈകിട്ട് 5 മണിക്കായിരുന്നു അപകടമുണ്ടായത്. നിര്ത്തിയിട്ടിരുന്ന ട്രെയിനിന്റെ മുകളില് കൂടി മറുവശത്തേക്ക് കടക്കാന് ശ്രമിക്കുന്നതിനിടെ ഷോക്കേൽക്കുകയായിരുന്നു.
ട്രെയിനിന്റെ ഗോവണിയില് കൂടെ മറുവശത്തേക്ക് കടക്കാന് ശ്രമിക്കുമ്പോഴായിരുന്നു അപകടം സംഭവിച്ചത്. 90% പൊള്ളലേറ്റ വിദ്യാര്ത്ഥിയെ കോട്ടയം മെഡിക്കല് കോളജ് ആശുപത്രിയില് പ്രവേശിപ്പിക്കുകയായിരുന്നു. എന്നാൽ ചികിത്സയിലിരിക്കെ ഇന്ന് മരണത്തിന് കീഴടങ്ങി.
കാസർകോട് 16 കാരി വിദ്യാർത്ഥിനി ആത്മഹത്യ ചെയ്ത നിലയിൽ; കണ്ടെത്തിയത് കിടപ്പുമുറിയിൽ
കാസർകോട് ബന്തടുക്കയിൽ 16 കാരിയായ വിദ്യാർത്ഥിനി തൂങ്ങി മരിച്ച നിലയിൽ കണ്ടെത്തി. മരിച്ച ദേവിക, പത്താം ക്ലാസ് വിദ്യാർത്ഥിനിയാണ്.
കുണ്ടംകുഴി ഗവ. ഹയർ സെക്കൻഡറി സ്കൂളിലെ വിദ്യാർത്ഥിനിയായ ദേവികയെ ഇന്ന് രാവിലെയാണ് കിടപ്പുമുറിയിൽ മരിച്ച നിലയിൽ കണ്ടെത്തിയത്.
ബന്തടുക്ക ഗ്രാമീണ ബാങ്കിനു സമീപം ഹോട്ടൽ നടത്തുന്ന ഉന്തത്തടുക്കയിലെ സവിതയുടെ മകളാണ് മരിച്ച ദേവിക. ബാലസംഘം ബന്തടുക്ക വില്ലേജ് പ്രസിഡന്റായിരുന്നു.
സംഭവ വിവരം ലഭിച്ചതോടെ ബേഡകം പോലീസ് സ്ഥലത്തെത്തി തുടർ നടപടികൾ ആരംഭിച്ചു. ആത്മഹത്യയ്ക്കു പിന്നിലെ കാരണങ്ങൾ സംബന്ധിച്ച് പോലീസ് അന്വേഷണം നടത്തുന്നുണ്ട്.
ഓർമ്മിപ്പിക്കുന്നു: ആത്മഹത്യ ഒരിക്കലും പ്രശ്നങ്ങൾക്ക് പരിഹാരമല്ല. ബുദ്ധിമുട്ടുകൾ നേരിടുമ്പോൾ സഹായം തേടുക.
തിരുവനന്തപുരം ജില്ലാ ജയിലിൽ ക്രൂരമർദനം
തിരുവനന്തപുരം: തിരുവനന്തപുരം ജില്ലാ ജയിലിനുള്ളിൽ റിമാൻഡ് തടവുകാരനെ ജയിൽ ഉദ്യോഗസ്ഥർ ക്രൂരമായി മർദിച്ചതായി പരാതി.
പേരൂർക്കട മാനസികാരോഗ്യ കേന്ദ്രത്തിലെ മുൻ ജീവനക്കാരനായ തടവുകാരൻ ബിജുവിനാണ് മർദനമേറ്റത്.
അതീവ ഗുരുതരാവസ്ഥയിൽ തിരുവനന്തപുരം മെഡിക്കൽ കോളേജ് ഐസിയുവിൽ ചികിത്സയിലാണ് ബിജു. നിലവിൽ വെന്റിലേറ്റർ സഹായത്തോടെയാണ് ബിജുവിന്റെ ജീവൻ നിലനിർത്തുന്നത്.
സഹപ്രവർത്തകയെ ഉപദ്രവിച്ചെന്ന കേസിലാണ് പത്തനംതിട്ട സ്വദേശി ബിജുവിനെ അറസ്റ്റിലായത്.
ഇക്കഴിഞ്ഞ 12-ാം തീയതിയാണ് താൽക്കാലിക ജീവനക്കാരനായിരുന്ന ബിജുവിനെ പേരൂർക്കട പൊലീസ് അറസ്റ്റ് ചെയ്ത് റിമാൻഡ് ചെയ്തത്.
റിമാൻഡ് ചെയ്യുന്ന സമയത്ത് ബിജു ചില മാനസിക പ്രശ്നങ്ങൾ കാട്ടിയിരുന്നു. അതിനാൽ തന്നെ ഇയാൾക്ക് ചികിത്സ നൽകണമെന്ന് കോടതി ആവശ്യപ്പെട്ടിരുന്നു.
Summary: A student died after being electrocuted while walking on top of a stationary freight train. The deceased has been identified as Adwaith, a native of Kumbalam, Ernakulam.
