തിരുവനന്തപുരം: സംസ്ഥാന സ്കൂൾ കലോത്സവത്തിൽ ഒന്നാം ദിനം ഉറക്കത്തിലേക്ക് കടക്കുമ്പോൾ പോയിന്റ് പട്ടികയിൽ മികവ് കാട്ടി വടക്കൻ ജില്ലകൾ. 54 ഇനങ്ങളിലെ ഫലപ്രഖ്യാപനം കഴിഞ്ഞപ്പോൾ 195 പോയിന്റുമായി കണ്ണൂരും കോഴിക്കോടും മുന്നിട്ടു നിൽക്കുന്നു. 194 പോയിന്റുമായി തൃശൂരാണ് രണ്ടാം സ്ഥാനത്ത്. ഹയർ സെക്കൻഡറി വിഭാഗത്തിൽ 93 പോയിന്റുകളുമായി കണ്ണൂരാണ് മുന്നില്.(State school kalolsavam first day point table)
ഒന്നാം വേദിയിൽ അരങ്ങേറിയ സംഘ നൃത്തത്തിന് സദസ്സിൽ കാണികൾ നിറഞ്ഞൊഴുകി. ഒപ്പന മത്സരം കാണാനും നിരവധി പേരാണ് എത്തിയത്. ഉദ്ഘാടനത്തോടനുബന്ധിച്ച് ചൂരൽമല ദുരന്തം അതിജീവിച്ച വെള്ളാർമല സ്കൂളിലെ കുട്ടികളുടെ അതിജീവന നൃത്തവും ശ്രദ്ധേയമായി.
ഇന്ന് പതിനൊന്നു മണിയോടെയാണ് കലാമത്സരങ്ങൾക്കു തുടക്കമായത്. എട്ടു വർഷങ്ങൾക്കു ശേഷമാണ് സംസ്ഥാന സ്കൂൾ കലോത്സവം തലസ്ഥാനത്ത് നടക്കുന്നത്.
