തിരുവനന്തപുരം: സംസ്ഥാനത്ത് കുട്ടികൾക്കിടയിൽ മുണ്ടിനീര് പടരുന്നു. രോഗം ബാധിച്ചവരുടെ എണ്ണം 70,000 കടന്നു. രോഗ വ്യാപനം രൂക്ഷമാകുന്ന സാഹചര്യത്തില് എംഎംആര് വാക്സീന് ഉടന് അനുവദിക്കണമെന്ന് കേരളം കേന്ദ്രത്തോട് ആവശ്യപ്പെട്ടു.(Spread of mumps; kerala has requested to allow MMR vaccine)
സംസ്ഥാന ആരോഗ്യ ഡയറക്ടറേറ്റ് ഉദ്യോഗസ്ഥരുമായി കേന്ദ്ര ഉദ്യോഗസ്ഥര് നടത്തിയ ചര്ച്ചയിലാണ് വാക്സിൻ അനുവദിക്കണമെന്ന ആവശ്യം ഉന്നയിച്ചത്. വിഷയം ഗൗരവത്തോടെ കാണണമെന്നും മരണം റിപ്പോര്ട്ട് ചെയ്തിട്ടില്ലെങ്കിലും മുണ്ടിനീര് ബാധിതര്ക്കു ഭാവിയില് ഉണ്ടായേക്കാവുന്ന ആരോഗ്യപ്രശ്നങ്ങള് കണക്കിലെടുക്കണമെന്നും ആണ് കേരളത്തിന്റെ ആവശ്യം.
കുട്ടികള്ക്ക് മീസില്സും റുബെല്ലയും പ്രതിരോധിക്കാനുള്ള എംആര് വാക്സീന് ഇപ്പോള് സൗജന്യമായി നല്കുന്നുണ്ട്. ഇതിനു പുറമെ മംപ്സ് പ്രതിരോധമരുന്നുകൂടി ഉള്പ്പെടുന്ന എംഎംആര് വാക്സീനാണ് കേരളം ആവശ്യപ്പെട്ടത്.
