ഭോപ്പാൽ: രാജസ്ഥാനിൽ ഝലാവറിൽ കുഴൽ കിണറിൽ വീണ അഞ്ചു വയസ്സുകാരനെ രക്ഷപ്പെടുത്തി. ഇന്നലെ ഉച്ചയ്ക്കാണ് സംഭവം, എൻഡിആർഎഫ്, എസ് ഡി ആർ എഫ് സംഘങ്ങൾ ചേർന്നാണ് രക്ഷാപ്രവർത്തനം നടത്തിയത്. കളിക്കുന്നതിനിടെയാണ് കുട്ടി കൃഷി സ്ഥലത്തെ കുഴൽ കിണറിൽ വീഴുകയായിരുന്നു.
രണ്ടുദിവസം മുൻപ് കുഴിച്ച കുഴൽക്കിണറിലാണ് കുട്ടി വീണത്. വെള്ളം കാണാത്തതിനെ തുടർന്ന് പകുതിയോളം ഭാഗം മൂടിയ കിണറായിരുന്നു ഇത്. അതുകൊണ്ടുതന്നെ കുട്ടി കൂടുതൽ ആഴത്തിലേക്ക് താഴ്ന്നു പോകാതെ രക്ഷപെട്ടു. 12 മണിക്കൂർ നീണ്ട രക്ഷാപ്രവർത്തനത്തിന് ഒടുവിലാണ് കുട്ടിയെ പുറത്തെത്തിച്ചത്. ഉടൻ തന്നെ ആശുപത്രിയിൽ എത്തിച്ച കുട്ടിയുടെ ആരോഗ്യനില തൃപ്തികരമെന്ന് ഡോക്ടർമാർ അറിയിച്ചു.
