കൊച്ചിയിൽ ലഹരിമരുന്നുമായി മൂന്ന് യുവാക്കൾ പിടിയിൽ; പിടിയിലായവരിൽ നായക നടൻ്റെ മകനും
തൃപ്പൂണിത്തുറ: നിരോധിത ലഹരിമരുന്നായ കഞ്ചാവുമായി ചലച്ചിത്ര നടൻ ടിനി ടോമിൻ്റെ മകൻ ഉൾപ്പെടെ മൂന്ന് യുവാക്കളെ പൊലീസ് പിടികൂടി.
ഹിൽപാലസ് പൊലീസ് സ്റ്റേഷൻ പരിധിയിൽ നടത്തിയ മിന്നൽ പരിശോധനയിലാണ് യുവാക്കൾ കുടുങ്ങിയത്.
ആലുവ കമ്പനിപ്പടി പള്ളാട്ടിൽ വീട്ടിൽ ആദം ഷീം (21), എരൂർ സ്വദേശി കാർത്തിക് (20), ആലുവ തോട്ടുമുഖം സ്വദേശി അമിത് ജോർജ് (21) എന്നിവരെയാണ് പൊലീസ് അറസ്റ്റ് ചെയ്തത്.
ഞായറാഴ്ച രാത്രി ഒൻപത് മണിയോടെ തിരുവാങ്കുളം മകളിയം അമ്പലത്തിന് സമീപത്ത് കൺട്രോൾ റൂം വാഹനത്തിൽ പട്രോളിംഗ് നടത്തുകയായിരുന്ന പൊലീസ് സംഘത്തെ കണ്ടതോടെ യുവാക്കൾ പരിഭ്രമിച്ച് മാറാൻ ശ്രമിച്ചത് സംശയത്തിനിടയാക്കി. തുടർന്ന് ഇവരെ തടഞ്ഞ് നിർത്തി ചോദ്യം ചെയ്യുകയും ദേഹപരിശോധന നടത്തുകയും ചെയ്തു.
പരിശോധനയിൽ ഒന്നാം പ്രതിയായ കാർത്തിക്കിന്റെ പാന്റ്സിന്റെ പോക്കറ്റിൽ നിന്ന് സിപ്-ലോക്ക് കവറിൽ സൂക്ഷിച്ച നിലയിൽ നാല് ഗ്രാം കഞ്ചാവ് കണ്ടെത്തി.
ലഹരിമരുന്ന് ഉപയോഗിക്കാനായി കൈവശം വച്ചതാണെന്ന് പ്രതികൾ സമ്മതിച്ചതായി എഫ്ഐആറിൽ പറയുന്നു.
എസ്.ഐ. സജീവും എസ്.സി.പി.ഒ. ദീപക്കും ഉൾപ്പെട്ട സംഘമാണ് പ്രതികളെ കസ്റ്റഡിയിലെടുത്തത്.
പ്രതികൾക്കെതിരെ എൻഡിപിഎസ് നിയമപ്രകാരം കേസ് രജിസ്റ്റർ ചെയ്ത് അന്വേഷണം ആരംഭിച്ചു. കേസിന്റെ അന്വേഷണ ചുമതല ഹിൽപാലസ് എസ്.ഐ. അനസ് എസ്. തൗഫീഖിനാണ്.
English Summary
Three youths, including the son of Malayalam actor Tiny Tom, were arrested with four grams of ganja during a late-night police check near Thiruvankulam in Tripunithura, Kochi. The Hill Palace Police registered a case under the NDPS Act and started an investigation.
tiny-tom-son-arrested-with-ganja-hill-palace-police-tripunitura
Tiny Tom son arrested, Tripunithura drug case, Hill Palace police, ganja seizure Kochi, Aluva youths arrested, NDPS Act Kerala, Kerala crime news, Malayalam film actor news
