ന്യൂഡല്ഹി: പൂഞ്ചിലുണ്ടായ പാക് ഷെല്ലാക്രമണത്തില് സൈനികന് വീരമൃത്യു. ലാന്സ് നായിക് ദിനേശ് കുമാറാണ് വീരമൃത്യ വരിച്ചത്. ഹരിയാനയിലെ പല്വാള് സ്വദേശിയാണ് ദിനേശ് കുമാര്.
ഷെല്ലാക്രമണത്തില് ഗുരുതരമായി പരിക്കേറ്റ സൈനികനെ ഉടന് തന്നെ സൈനിക ആശുപത്രിയില് പ്രവേശിപ്പിച്ചെങ്കിലും ചികിത്സയ്ക്കിടെ ജീവൻ നഷ്ടമാകുകയായിരുന്നു. മൃതദേഹം നാളെ അദേഹത്തിന്റെ പല്വാളിലെ ജന്മനാട്ടിലേക്ക് കൊണ്ടുപോകും.
പൂഞ്ചിലെ പാക് ആക്രമണത്തില് നാല് കുട്ടികളടക്കം 13 പേരാണ് കൊല്ലപ്പെട്ടത്. 57 പേര്ക്ക് പരിക്കേല്ക്കുകയും ചെയ്തിട്ടുണ്ട്. ആക്രമണത്തിൽ വീടുകളും വാഹനങ്ങളും കെട്ടിടങ്ങളുമടക്കം നശിക്കപ്പെട്ടു.
അക്രമണത്തിന് പിന്നാലെ പൂഞ്ചിലും ജമ്മു മേഖലയിലെ രജൗരിയിലും വടക്കന് കശ്മീരിലെ ബാരാമുള്ള, കുപ് വാര എന്നിവിടങ്ങളിലുമുള്ള നിവാസികള് പലായനം ചെയ്തു. ചിലര് ഭൂഗര്ഭ ബങ്കറുകളില് അഭയം തേടിയിരിക്കുകയാണ്.
മകളുടെ വിവാഹത്തിൽ പങ്കെടുക്കണം; മോന്സണ് മാവുങ്കലിന് ഇടക്കാല ജാമ്യം അനുവദിച്ചു
