കുവൈത്ത്: സാമൂഹിക പ്രവർത്തകനായ മലയാളി കുവൈത്തിൽ മരിച്ചു. തൃശൂർ സ്വദേശി കെആർ രവി കുമാറാണ് (57) മംഗഫിൽ വെച്ച് മരണമടഞ്ഞത്. പ്രമുഖ ജീവകാരുണ്യ സംഘടനയായ ‘സാന്ത്വനം’ കുവൈത്തിന്റെ സജീവ പ്രവർത്തകനാണ് രവി. 2008 മുതൽ സാന്ത്വനം കുവൈത്തിൻറെ സജീവ അംഗമായിരുന്ന അദ്ദേഹം നിസ്സഹായരെ സഹായിക്കാനായി എന്നും മുന്നിൽ തന്നെയുണ്ടായിരുന്നു.
1986 മുതൽ 1990 വരെ തൃശ്ശൂരിലെ ഗവൺമെൻറ് എഞ്ചിനീയറിംഗ് കോളേജിൽ പഠിച്ച മെക്കാനിക്കൽ എഞ്ചിനീയറായിരുന്നു അദ്ദേഹം. കെഒസിയുടെ ഇൻസ്പെക്ഷൻ & കോറോഷൻ ടീമിന്റെ കൺസൾട്ടന്റ് എഞ്ചിനീയറായി സ്പെഷ്യലൈസ്ഡ് ടെക്നിക്കൽ സർവീസസ് കമ്പനിയിൽ ജോലി ചെയ്തു.
ഗുജറാത്ത്, കൊൽക്കത്ത, ദില്ലി എന്നിവയുൾപ്പെടെ ഇന്ത്യയിലുടനീളമുള്ള വിവിധ പദ്ധതികളിൽ എഞ്ചിനീയേഴ്സ് ഇന്ത്യ ലിമിറ്റഡുമായി അദ്ദേഹം പ്രവർത്തിച്ചിരുന്നു.ഭാര്യ: സുപ്രിയ, മക്കൾ: ചന്ദന, നന്ദന.
, a native of Thrissur, died in Mangaf.){kind=link}