മോഹൻലാൽ എന്നെ തള്ളിമാറ്റിയതല്ല, സ്റ്റെപ്പിറങ്ങാൻ സഹായിച്ചതാണ്; വീഡിയോ വിവാദത്തിൽ മറുപടിയുമായി എസ്.എൻ സ്വാമി
മോഹൻലാലുമായി യാതൊരു അഭിപ്രായവ്യത്യാസവും ഇല്ലെന്ന് തിരക്കഥാകൃത്ത് എസ്.എൻ സ്വാമി വ്യക്തമാക്കി.
നിവിൻ പോളി നായകനായ പ്രതിഛായ സിനിമയുടെ ട്രെയിലർ ലോഞ്ചിന് ശേഷം പുറത്തുവന്ന ഒരു വീഡിയോയെ തുടർന്നുണ്ടായ വിവാദങ്ങൾക്കാണ് അദ്ദേഹം പ്രതികരിച്ചത്.
വീഡിയോയിൽ മോഹൻലാൽ സ്വാമിയോട് മോശമായി പെരുമാറിയെന്ന തരത്തിൽ പ്രചരണം നടന്നിരുന്നു.
സംസാരിക്കുമ്പോൾ സ്വാമി പറഞ്ഞു: “മോഹൻലാൽ എന്നെ തള്ളിയതല്ല, മറിച്ച് സ്റ്റെപ്പ് ഇറങ്ങാൻ സഹായിക്കുകയായിരുന്നു. ഫ്രെയിം മാറ്റി തെറ്റായ രീതിയിൽ പ്രചരിപ്പിച്ചതാണ്.”
പരിപാടി കഴിഞ്ഞിറങ്ങുമ്പോൾ വലിയ തിരക്കുണ്ടായിരുന്നുവെന്നും, ക്യാമറയുമായി തിക്കിത്തിരക്കിയവരോട് പറഞ്ഞ വാക്കുകളെയാണ് തെറ്റായി വ്യാഖ്യാനിച്ചതെന്നും അദ്ദേഹം കൂട്ടിച്ചേർത്തു.
“ഞാനും ലാലും തമ്മിൽ പ്രശ്നമൊന്നുമില്ല. ഏറെ സ്നേഹത്തോടെയാണ് ഞങ്ങൾ പിരിഞ്ഞത്. മമ്മൂട്ടിയുമായും ലാലുമായും എനിക്ക് ഒരു മണ്തരിയോളം പോലും അഭിപ്രായവ്യത്യാസം ഉണ്ടായിട്ടില്ല.
സോഷ്യൽ മീഡിയയിൽ റീച്ച് നേടാൻ ചിലർ തെറ്റായ വാർത്തകൾ പ്രചരിപ്പിക്കുകയാണ്,” എന്നും എസ്.എൻ സ്വാമി പറഞ്ഞു.
English Summary:
Writer S.N. Swamy clarified that he has no issues with Mohanlal and said a viral video claiming otherwise was misleadingly framed; he stated Mohanlal was actually helping him down the steps.
sn-swamy-clarifies-no-issue-with-mohanlal
SN Swamy, Mohanlal, Malayalam Cinema, Viral Video, Clarification
