കൊച്ചി: സംസ്ഥാനത്ത് സ്വർണ വിലയിൽ ഇന്ന് നേരിയ കുറവ്. പവന് 80 രൂപ കുറഞ്ഞ് 54,440 രൂപയായി. ഗ്രാമിന് 10 രൂപ കുറഞ്ഞ് 6,805 രൂപയിലുമെത്തി. കഴിഞ്ഞ ദിവസം സ്വർണ വില സർവകാല റെക്കോർഡിലെത്തിയിരുന്നു. 54,520 രൂപയിലെത്തിയിരുന്നു കഴിഞ്ഞ ദിവസത്തെ സ്വർണവില. ഈ മാസം പവന് 3,640 രൂപയാണ് വർധിച്ചത്.
രാജ്യാന്തര സ്വർണ വിലയിലെ ഇടിവാണ് സംസ്ഥാനത്തും സ്വർണവിലയിൽ മാറ്റം വരാൻ കാരണം. ഔൺസിന് 2,343 ഡോളറാണ് രാജ്യാന്തര സ്വർണ വില. പശ്ചിമേഷ്യൻ സംഘർഷങ്ങളിൽ അയവ് വന്നത് സ്വർണത്തിന്റെയും ബ്രെന്റ് ക്രൂഡിന്റെയും വില ഇടിച്ചു. ബാരലിന് 90 ഡോളറിന് മുകളിലെത്തിയ ക്രൂഡ് വില 87 ഡോളറിലേക്ക് കൂപ്പുകുത്തി.
