ഡോക്ടറെ കണ്ട് മടങ്ങുന്നതിനിടെയാണ് അപകടമുണ്ടായത്
തൃശ്ശൂർ: നടപ്പാതയുടെ സ്ലാബ് തകർന്ന് കാനയിലേക്ക് വീണ് യുവതിയ്ക്ക് പരിക്കേറ്റു. വടക്കാഞ്ചേരിയിൽ ഇന്ന് വൈകിട്ട് മൂന്ന് മണിയോടെയായിരുന്നു അപകടം നടന്നത്. പൈങ്കുളം സ്വദേശിയായ ആര്യയ്ക്കാണ് പരിക്കേറ്റത്.(slab was broken and fell; woman was injured)
ഡോക്ടറെ കണ്ട് മടങ്ങുന്നതിനിടെയാണ് അപകടമുണ്ടായത്. റോഡരികിലെ കാൽനടപ്പാതയുടെ സ്ലാബ് തകർന്ന് കാനയിലേക്ക് വീഴുകയായിരുന്നു. വടക്കാഞ്ചേരിയിലുള്ള ഡോക്ടർ ശ്രീനിവാസന്റെ വസതിയിലെത്തി മടങ്ങുന്നതിനിടെയാണ് സംഭവം. ഓടിക്കൂടിയ നാട്ടുകാരാണ് ആര്യയെ ആശുപത്രിയിൽ എത്തിച്ചത്.
അപകടത്തിൽ ആര്യയുടെ കാലിന് ആണ് പരിക്കേറ്റത്. ഇതേ സ്ഥലത്ത് ആറ് മാസം മുൻപും സമാനമായ മറ്റൊരു അപകടത്തിൽ ഒരാൾക്ക് പരുക്കേറ്റിരുന്നു.
