പുരയിടത്തിൽ തലയോട്ടികളും എല്ലുകളും പ്ലാസ്റ്റിക് കവറിൽ കെട്ടിയ നിലയിൽ; നാട് നടുക്കത്തിൽ!
തിരുവനന്തപുരം ∙ സ്വകാര്യ വ്യക്തിയുടെ പുരയിടത്തിൽ പ്ലാസ്റ്റിക് കവറിൽ കെട്ടിയ നിലയിൽ തലയോട്ടികളും എല്ലുകളും കണ്ടെത്തിയ സംഭവം ആശങ്ക സൃഷ്ടിച്ചു. പൂങ്കുളത്തെ തൈക്കാട് സ്വദേശി അബ്ദുല്ലയുടെ പറമ്പിലാണ് അസ്ഥികൾ കണ്ടെത്തിയത്.
ഇന്ന് രാവിലെ പുരയിടം പരിപാലിക്കുന്ന രാധാകൃഷ്ണൻ ചക്കയിടാൻ എത്തിയപ്പോഴാണ് സംഭവം ശ്രദ്ധയിൽപ്പെട്ടത്.
പ്ലാസ്റ്റിക് കവറിൽ കെട്ടിയ നിലയിൽ മതിലിന് അകത്തേക്ക് എറിഞ്ഞ നിലയിലായിരുന്നു തലയോട്ടികൾ. മതിലിന്റെ അപ്പുറത്ത് നിന്ന് ആരോ പറമ്പിലേക്ക് വലിച്ചെറിഞ്ഞതാകാമെന്ന് രാധാകൃഷ്ണൻ പറഞ്ഞു.
ഒരു തലയോട്ടിയിൽ ‘വാസു’ എന്ന് പേന കൊണ്ട് എഴുതിയതും കണ്ടെത്തിയിട്ടുണ്ട്. ഇന്നലെ വൈകിട്ട് പറമ്പിൽ എത്തിയപ്പോൾ അസാധാരണമായി ഒന്നും കണ്ടില്ലെന്നും അദ്ദേഹം വ്യക്തമാക്കി.
വിവരം ലഭിച്ചതോടെ പൊലീസ് സ്ഥലത്തെത്തി പരിശോധന നടത്തി. സംഭവത്തിൽ വിശദമായ അന്വേഷണം ആരംഭിച്ചതായി അധികൃതർ അറിയിച്ചു.
English Summary:
Skulls and bones tied in plastic covers were found in a private property in Thiruvananthapuram. Police have launched an investigation after the remains were discovered in a yard at Poonkulam.
skulls-bones-found-poonkulam
Thiruvananthapuram, Crime News, Kerala Police, Investigation, Human Remains, Local News
