യു.കെ.യിൽ ബജറ്റ് ചെയിൻ ഹോട്ടലുകൾ കേന്ദ്രീകരിച്ച് കുട്ടികളെ ലൈംഗിക അതിക്രമത്തിന് ഇരയാക്കുന്നതായി റിപ്പോർട്ടുകൾ. പോയ വർഷം ഹോട്ടലുകളിൽ രേഖപ്പെടുത്തിയ കുറ്റകൃത്യങ്ങളിൽ 92 ശതമാനം (464 കേസുകൾ) കുട്ടികളുടെ ലൈംഗിക ചൂഷണത്തെ തുടർന്ന് ഉണ്ടായതാണ്. Shocking report reveals attack against children increasing in UK
ശരിക്കുള്ള കണക്കുകൾ രേഖപ്പെടുത്തിയതിനേക്കാൾ ഏറെയാണെന്ന് ബി.ബി.സി. പുറത്തുവിട്ട റിപ്പോർട്ടിൽ പറയുന്നു. കുട്ടികളെ ചൂഷണം ചെയ്യുന്നതിനെതിരെ ബോധവത്കരണം നടത്താൻ പോലീസ് ഹോട്ടലുകളുമായി ചേർന്ന് പ്രവർത്തിക്കുന്നുണ്ടെന്ന് നാഷണൽ പോലീസ് ചീഫ് കൗൺസിൽ പറയുന്നു.
ഓപ്പറേഷൻ മേക്ക് സേഫ് എന്ന പേരിൽ ഹോട്ടൽ ജീവനക്കാർക്ക് ലൈംഗിക ചൂഷണത്തിന്റെ ലക്ഷണങ്ങൾ തിരിച്ചറിയാനും പ്രശ്‌നങ്ങൾ പോലീസിന്റെ ശ്രദ്ധയൽ പെടുത്താനും പരിശീലനം നൽകിയിട്ടുണ്ട്.
റിസപ്ഷനുകളിൽ ആളുകളെ നിയമിക്കാത്ത ബജറ്റ് ഹോട്ടലുകൾ കുറ്റവാളികൾ തിരഞ്ഞെടുക്കുന്നുണ്ട്. ഇവിടങ്ങളിലെ സെൽഫ് സർവീസ് കിയോസ്‌കുകൾ കുറ്റവാളികളെ മറ്റാരും ശ്രദ്ധിക്കാതിരിക്കാനും കാരണമാകുന്നു.
