ഇന്ധന വിപണിയിൽ ‘ഷെൽ’ ഷോക്ക്! ഡീസലിന് ഒറ്റയടിക്ക് 25 രൂപ കൂട്ടി; പെട്രോളിനും വൻ വർദ്ധന
ന്യൂഡൽഹി: ഷെൽ ഇന്ത്യയിലെ ഔട്ട്ലെറ്റുകളിൽ ഇന്ധനവില വീണ്ടും വർധിപ്പിച്ചു. ബെംഗളൂരുവിലെ ഷെൽ പമ്പുകളിൽ പെട്രോളിന് ₹7.41യും ഡീസലിന് ₹25.01യും കൂട്ടിയതോടെ വില കുത്തനെ ഉയർന്നു.
പുതിയ നിരക്കനുസരിച്ച് സാധാ പെട്രോളിന് ₹119.85യും പവർ പെട്രോളിന് ₹129.85യും നൽകേണ്ടിവരും. ഡീസലിൽ സാധാരണ വിഭാഗത്തിന് ₹123യും പ്രീമിയം ഡീസലിന് ₹133യും ആണ് വില. ഇന്നുമുതൽ ഷെൽ പമ്പുകളിൽ ഈ പുതുക്കിയ നിരക്കുകൾ പ്രാബല്യത്തിൽ വന്നു.
ഇതിനു മുൻപ് രണ്ടാഴ്ച മുമ്പും ഷെൽ വില വർധിപ്പിച്ചിരുന്നു. അന്ന് പെട്രോൾ വില ₹108.50 ആയി ഉയർന്നപ്പോൾ, ഡീസൽ ₹93.50 ആയി വർധിച്ചിരുന്നു. രാജ്യത്താകമാനം ഏകദേശം 350 ഔട്ട്ലെറ്റുകളാണ് ഷെല്ലിനുള്ളത്.
അതേസമയം, മാർച്ച് 27ന് നയാര എനർജിയും പെട്രോൾ വില ₹5യും ഡീസൽ ₹3യും വർധിപ്പിച്ചിരുന്നു. തുടർച്ചയായ വില വർധന ഉപഭോക്താക്കളെ ആശങ്കയിലാഴ്ത്തുകയാണ്. ഷെൽ ഇതുവരെ വില വർധനയെക്കുറിച്ച് ഔദ്യോഗിക പ്രതികരണം നൽകിയിട്ടില്ല.
English Summary:
Shell has sharply increased fuel prices in its outlets, with petrol up by ₹7.41 and diesel by ₹25.01 in Bengaluru. This follows a recent hike by Nayara Energy, raising concerns among consumers over rising fuel costs.
shell-fuel-price-hike-india-petrol-diesel-increase
Shell, Fuel Price Hike, Petrol Price, Diesel Price, India Fuel, Nayara Energy, Bengaluru News
