മുംബൈ: ഐപിഎഎല്ലിലെ രണ്ടാം ഘട്ട മത്സരങ്ങള്ക്ക് യുഎഇ വേദിയാകുമെന്ന് സൂചന. ഐപിഎല് ഫ്രാഞ്ചൈസികള് അവരുടെ താരങ്ങളോട് പാസ്പോര്ട്ട് കൂടി ഹാജരാക്കാന് പറഞ്ഞെന്നാണ് റിപ്പോർട്ട്.
ചെന്നൈ സൂപ്പര് കിംഗ്സ് – റോയല് ചലഞ്ചേഴ്സ് ബംഗ്ലൂര് മത്സരത്തോടെയാണ് സീസണിലെ ഐപിഎല് മത്സരങ്ങള് ആരംഭിക്കുന്നത്. മാര്ച്ച് 22ന് വൈകിട്ട് 6.30ന് ചെന്നൈ എം എ ചിദംബരം സ്റ്റേഡിയത്തിലാണ് മത്സരം.
ആദ്യത്തെ 21 മത്സരങ്ങളുടെ വിവരങ്ങള് മാത്രമാണ് ഇപ്പോള് പുറത്തുവിട്ടിരിക്കുന്നത്. മലയാളി താരം സഞ്ജു സാംസണ് നയിക്കുന്ന രാജസ്ഥാന് റോയല്സിന്റെ ആദ്യ മത്സരം മാര്ച്ച് 24നാണ്. ജയ്പൂരില് നടക്കുന്ന മത്സരത്തില് ലഖ്നൗ സൂപ്പര് ജയന്റ്സാണ് എതിരാളികള്.
ലോക്സഭ ഇലക്ഷന് നടക്കാനിരിക്കുന്നത് കൊണ്ടാണ് ശേഷിക്കുന്ന ഐപിഎല് മത്സരങ്ങളുടെ ഫിക്ച്ചര് പുറത്തുവരാത്തത്.
