രേഖ രതീഷിന് സത്യഭാമയുടെ മറുപടി
നടി രേഖ രതീഷിന്റെ സൈബർ ആക്രമണ ആരോപണങ്ങൾക്ക് മറുപടിയുമായി കലാമണ്ഡലം സത്യഭാമ രംഗത്തെത്തി.
സിനിമയിലും ടെലിവിഷനിലും ശ്രദ്ധേയമായ വേഷങ്ങളിലൂടെ പ്രേക്ഷകപ്രിയയായ രേഖ അടുത്തിടെ പങ്കുവച്ച വീഡിയോയിൽ താൻ കടുത്ത സൈബർ ബുള്ളിയിങ് നേരിടുകയാണെന്നും ചില യൂട്യൂബ് ചാനലുകൾ മനപ്പൂർവം തേജോവധം ചെയ്യുന്നുവെന്നും ആരോപിച്ചിരുന്നു.
തന്നെ രക്ഷിക്കാൻ മുഖ്യമന്ത്രി ഇടപെടണമെന്നും അവർ അഭ്യർഥിച്ചിരുന്നു.
ഇതിനോടെയാണ് സത്യഭാമ പ്രതികരിച്ചത്. സോഷ്യൽ മീഡിയ ബുള്ളിയിങ് നേരിടുന്ന കേരളത്തിലെ ആദ്യ വനിതയാണോ രേഖയെന്ന് ചോദിച്ച അവർ, പൊതുപ്രവർത്തകയായതിനാൽ വിമർശനങ്ങൾ നേരിടേണ്ടി വരുന്നത് സ്വാഭാവികമാണെന്നും കുറച്ച് കാലം സോഷ്യൽ മീഡിയയിൽ നിന്ന് വിട്ടുനിൽക്കുന്നത് മനശ്ശാന്തിക്ക് സഹായകരമാകുമെന്നും അഭിപ്രായപ്പെട്ടു.
മൂന്ന് മാസത്തോളമായി ചില യൂട്യൂബർമാർ മോശം ക്യാപ്ഷനുകളോടെ തന്റെ പേരിൽ വീഡിയോകൾ പ്രചരിപ്പിച്ച് മാനസിക സമ്മർദത്തിലാക്കുകയാണെന്നും, തനിക്കെന്തെങ്കിലും സംഭവിച്ചാൽ അതിന് ഉത്തരവാദികൾ അവരായിരിക്കുമെന്നും രേഖ വീഡിയോയിൽ പറഞ്ഞിരുന്നു.
ഈ സാഹചര്യത്തിൽ മുഖ്യമന്ത്രിയുടെ ഇടപെടൽ ആവശ്യപ്പെട്ടതും ശ്രദ്ധ നേടിയിരുന്നു. ”എന്തിനോ വേണ്ടി തിളയ്ക്കുന്ന സാമ്പാർ. സോഷ്യൽ മീഡിയ ബുള്ളിയിങ് നേരിടുന്ന കേരളത്തിലെ ആദ്യത്തെ വനിതയാണോ നിങ്ങൾ?
അഞ്ചു കല്യാണം സാരിമാറുന്ന പോലെ നടത്തിയാൽ പിള്ളേര് വെറുതെ ഇരിക്കുമോ? എപ്പോ കേറ്റി വിട്ടൂന്ന് ചോതിച്ചാൽ പോരെ റോക്കറ്റിൽ.നിങ്ങൾ ഒരു പബ്ലിക് ഫിഗർ ആയത് കൊണ്ടാണ് ഇത്രക്കും ടെൻഷൻ.
കുറച്ച് നാൾ സോഷ്യൽ മീഡിയ ഉപയോഗിക്കാതെ ഹാപ്പി ആയി ഇരിക്കൂ. എല്ലാം റെഡി ആകും” എന്നാണ് സത്യഭാമ പറയുന്നത്.
English Summary
Kalamandalam Sathyabhama responded to actress Rekha Ratheesh’s claims of cyber harassment. Rekha had alleged in a viral video that certain YouTube channels were defaming her and causing severe mental stress, requesting intervention from Kerala’s Chief Minister. Sathyabhama questioned whether Rekha was the first woman facing online bullying and suggested that as a public figure she should expect criticism and consider taking a break from social media.
sathyabhama-responds-rekha-ratheesh-cyber-row
Rekha Ratheesh, Kalamandalam Sathyabhama, Cyber Bullying, Social Media Row, Celebrity News, Kerala, Viral Video, Entertainment
