ശബരിമലയിൽ കടുത്ത നിയന്ത്രണം! മകരവിളക്ക് ദർശനത്തിന് വൻ മാറ്റങ്ങൾ; ഹൈക്കോടതിയുടെ സുപ്രധാന ഉത്തരവ് പുറത്ത്

കൊച്ചി: മകരവിളക്ക് മഹോത്സവത്തോടനുബന്ധിച്ച് ശബരിമലയിലും തീർഥാടന പാതകളിലും ഉണ്ടായേക്കാവുന്ന അമിതമായ തിരക്ക് നിയന്ത്രിക്കാനും ഭക്തരുടെ സുരക്ഷ ഉറപ്പാക്കാനും ലക്ഷ്യമിട്ട് കർശനമായ മാർഗ്ഗനിർദ്ദേശങ്ങൾ പുറപ്പെടുവിച്ച് കേരള ഹൈക്കോടതി.

ഓരോ പ്രധാന പോയിന്റുകളിലും ഉൾക്കൊള്ളാവുന്ന തീർഥാടകരുടെ എണ്ണം കൃത്യമായി കണക്കാക്കിയാണ് ജസ്റ്റിസ് വി. രാജ വിജയരാഘവൻ, ജസ്റ്റിസ് കെ.വി. ജയകുമാർ എന്നിവരുൾപ്പെട്ട ദേവസ്വം ബെഞ്ച് ഈ ഉത്തരവിറക്കിയത്.

മകരവിളക്ക് ദർശനത്തിന് എണ്ണമിട്ട നിയന്ത്രണം; വെർച്വൽ ക്യൂ ബുക്കിംഗിൽ ഹൈക്കോടതി കൊണ്ടുവന്ന നിർണായക മാറ്റങ്ങൾ

മകരവിളക്ക് ദിനമായ ജനുവരി 14-ന് സന്നിധാനത്തെ തിരക്ക് ഒഴിവാക്കാൻ വെർച്വൽ ക്യൂ ബുക്കിംഗ് വെറും 30,000 പേർക്കായി പരിമിതപ്പെടുത്തി.

തിരക്ക് ക്രമീകരിക്കുന്നതിന്റെ ഭാഗമായി ജനുവരി 13-ന് 35,000 പേർക്കും, 15 മുതൽ 18 വരെയുള്ള തീയതികളിൽ പ്രതിദിനം 50,000 പേർക്കും, 19-ന് 30,000 പേർക്കുമാണ് പ്രവേശനം അനുവദിക്കുക.

നേരത്തെ നിശ്ചയിച്ച 5,000 സ്പോട്ട് ബുക്കിംഗ് നിലനിൽക്കുമെങ്കിലും, പാസില്ലാത്തവരെയോ തീയതിയും സമയവും തെറ്റിച്ചു വരുന്നവരെയോ യാതൊരു കാരണവശാലും പ്രവേശിപ്പിക്കില്ലെന്ന് കോടതി അസന്ദിഗ്ദ്ധമായി വ്യക്തമാക്കിയിട്ടുണ്ട്.

തിരുവാഭരണ ഘോഷയാത്രയും നിയന്ത്രണങ്ങളും; സന്നിധാനത്തും പമ്പയിലും തീർഥാടകർക്ക് സമയക്രമം ഏർപ്പെടുത്തി

മകരവിളക്കിന് അയ്യപ്പവിഗ്രഹത്തിൽ ചാർത്താനുള്ള തിരുവാഭരണം വഹിച്ചുകൊണ്ടുള്ള ഘോഷയാത്ര തിങ്കളാഴ്ച ഉച്ചയ്ക്ക് ഒന്നിന് പന്തളം കൊട്ടാരത്തിൽ നിന്ന് പുറപ്പെടും.

ഘോഷയാത്ര സന്നിധാനത്ത് എത്തുന്നതിനോടനുബന്ധിച്ച് ജനുവരി 14-ന് കർശന നിയന്ത്രണങ്ങളുണ്ടാകും.

ഒന്നരമാസമുള്ള കുഞ്ഞിന്റെ തള്ളവിരൽ കാനുല മുറിക്കുന്നതിനൊപ്പം മുറിച്ചുമാറ്റി നേഴ്സ് ; അബദ്ധത്തിൽ പറ്റിയതെന്ന് വിശദീകരണം

രാവിലെ 10 മണിക്ക് ശേഷം നിലയ്ക്കലിൽ നിന്ന് പമ്പയിലേക്കും, 11 മണിക്ക് ശേഷം പമ്പയിൽ നിന്ന് സന്നിധാനത്തേക്കും തീർഥാടകരെ കടത്തിവിടില്ല. ശുചീകരണ പ്രവർത്തനങ്ങൾക്കും സുരക്ഷയ്ക്കുമായി ഉച്ചയ്ക്ക് 12 മുതൽ സന്നിധാനത്ത് നിയന്ത്രണം ഏർപ്പെടുത്തും.

പതിനെട്ടാംപടിക്ക് മുകളിൽ ആൾക്കൂട്ടത്തിന് കർശന വിലക്ക്; കാനനപാതകളിലൂടെയുള്ള പ്രവേശനത്തിലും വൻ മാറ്റം

സുരക്ഷാ ക്രമീകരണങ്ങളുടെ ഭാഗമായി പതിനെട്ടാംപടിക്ക് മുകളിലുള്ള ഫ്ലൈ ഓവർ ഉൾപ്പെടെയുള്ള ഭാഗങ്ങളിൽ ഒരേസമയം 5,000-ത്തിൽ കൂടുതൽ ആളുകളെ അനുവദിക്കില്ല.

കാനനപാത വഴിയുള്ള യാത്രയ്ക്കും നിയന്ത്രണമുണ്ട്; ജനുവരി 13, 14 തീയതികളിൽ എരുമേലി വഴി 1,000 പേരെയും സത്രം-പുല്ലുമേട് വഴി 1,500 പേരെയും മാത്രമേ കടത്തിവിടൂ.

അപ്പാച്ചിമേട് – ബെയ്ലി ബ്രിഡ്ജ് വനപാത പൂർണ്ണമായും അടച്ചിടും. പുല്ലുമേട്ടിൽ മകരജ്യോതി ദർശിക്കാൻ പാസുള്ള 5,000 പേർ മാത്രമേ ഉണ്ടെന്ന് പോലീസ് ഉറപ്പാക്കേണ്ടതുണ്ട്.

English Summary

The Kerala High Court has implemented strict crowd management measures for the Makaravilakku festival at Sabarimala. The Devaswom Bench restricted virtual queue entries to 30,000 on January 14 and specified limits for other days to prevent overcrowding. Significant restrictions are placed on transit from Nilakkal and Pamba on the festival day.