വെർച്വൽ ക്യൂ ബുക്കിംഗ് ഇല്ല; ബുക്ക് ചെയ്തവർ വരുന്നതു കുറഞ്ഞു; ശബരിമലയിൽ തിരക്കില്ലാതെ ദർശനം
ശബരിമല: കഴിഞ്ഞ രണ്ടു ദിവസമായി ശബരിമലയിൽ ഭക്തർക്ക് വലിയ തിരക്കില്ലാതെ ദർശനം നടത്താൻ കഴിഞ്ഞു.
വെർച്വൽ ക്യൂ വഴി ബുക്ക് ചെയ്തവരിൽ ഏകദേശം 15% പേർ എത്താതിരുന്നതും സ്പോട്ട് ബുക്കിങ് 5000 ആയി പരിമിതപ്പെടുത്തിയതും തിരക്ക് കുറഞ്ഞതിന് പ്രധാന കാരണമായി.
ഇന്ന് പുലർച്ചെ 5 മണിയോടെ തന്നെ സന്നിധാനവും വലിയ നടപ്പന്തലും പൂർണ്ണമായും ശൂന്യമായി. പതിനെട്ടാം പടിക്കു മുന്നിലും കാത്തിരിപ്പ് ഒന്നുമുണ്ടായിരുന്നില്ല.
പമ്പയിൽ നിന്ന് മലകയറുന്നവർ നേരിട്ട് പടി കയറി സൗകര്യപ്രദമായി ദർശനം നടത്തി.
ഉഷഃപൂജയ്ക്ക് മുമ്പ് രാവിലെ 7.30 ഓടെ പതിനെട്ടാംപടി കയറൽ അരമണിക്കൂർ നിയന്ത്രിച്ചെങ്കിലും വലിയ തിരക്ക് അനുഭവപ്പെട്ടില്ല.
ഹൈക്കോടതി നിർദേശപ്രകാരം ഓരോ ദിവസത്തെയും തിരക്ക് വിലയിരുത്തി മാത്രമേ സ്പോട്ട് ബുക്കിങ് അനുവദിക്കൂ. നിലവിൽ നിലയ്ക്കലാണ് ഏക സ്പോട്ട് ബുക്കിങ് കൗണ്ടർ.
രാത്രി 12 മുതൽ തുടങ്ങുന്ന ബുക്കിങ് ഒരു മണിക്കൂറിനുള്ളിൽ തന്നെ അവസാനിക്കുന്നു.
ഇതോടെ ഇരുമുടിക്കെട്ടുമായി എത്തുന്ന ഭക്തർ നിരാശയിൽ നിലയ്ക്കൽ ചുറ്റി നടക്കേണ്ട അവസ്ഥയും ഉണ്ടാകുന്നു.
മുൻ വർഷങ്ങളിൽ ഇരുമുടിക്കെട്ടുമായി വരുന്ന ആരെയും തിരികെ അയക്കില്ല എന്ന നയം പാലിച്ചിരുന്നെങ്കിലും ഇത്തവണ അത് മാറ്റിയതാണ് തീർത്ഥാടകർക്ക് ഏറ്റവും വലിയ ബുദ്ധിമുട്ടായി മാറിയത്.
ഇതും ആകെ തിരക്ക് കുറയാൻ കാരണമായി. ഡിസംബർ 27 വരെ വെർച്വൽ ക്യൂയും പൂർണ്ണമായി ബുക്ക് ചെയ്ത നിലയിലാണ്.
പുതിയതായി ബുക്ക് ചെയ്യാൻ ശ്രമിക്കുന്നവർക്ക് ‘ചുവപ്പ്’ കാണുന്നതിനാൽ മണ്ഡലകാലം കഴിയുന്നതുവരെ ബുക്കിങ് ലഭ്യമല്ല. ഈ സീസണിൽ ഇതുവരെ 12.13 ലക്ഷം ഭക്തർ ദർശനം നടത്തി.
English Summary
For the last two days, Sabarimala has witnessed unusually low crowd, allowing devotees to have a smooth darshan. Nearly 15% of those who booked virtual queue slots did not turn up, and the daily limit for spot booking has been reduced to 5,000, resulting in reduced congestion. By early morning, the sannidhanam and the main pathway were almost empty, with devotees able to climb the holy 18 steps without waiting.
Spot booking is now strictly controlled based on daily crowd assessment as per High Court directives, and the only spot booking counter at Nilakkal gets fully booked within an hour of opening at midnight. The change from the earlier policy of not sending back devotees with the irumudikkettu has also contributed to reduced crowd. Virtual queue bookings are fully filled until December 27. So far, 12.13 lakh devotees have visited this season.
sabarimala-low-crowd-virtual-queue-spot-booking-issues
Sabarimala, Mandala season, Virtual queue, Spot booking, Pilgrimage, Kerala news, Devotees, Crowd management
