എം എസ് മണിക്ക് എസ്ഐടിയുടെ നോട്ടീസ്; തിരുവനന്തപുരത്ത് നേരിട്ട് ഹാജരാകണം

എം എസ് മണിക്ക് എസ്ഐടിയുടെ നോട്ടീസ്; തിരുവനന്തപുരത്ത് നേരിട്ട് ഹാജരാകണം

തിരുവനന്തപുരം: ശബരിമല സ്വർണക്കവർച്ച കേസുമായി ബന്ധപ്പെട്ട് എം.എസ്. മണിക്ക് പ്രത്യേക അന്വേഷണ സംഘം (എസ്ഐടി) നോട്ടീസ് നൽകി.

തിരുവനന്തപുരത്ത് നേരിട്ട് ഹാജരാകണമെന്നാണ് അന്വേഷണ സംഘത്തിന്റെ നിർദേശം. എന്നാൽ തനിക്ക് ഇതുവരെ നോട്ടീസ് ലഭിച്ചിട്ടില്ലെന്നാണ് എം.എസ്. മണിയുടെ പ്രതികരണം.

അതേസമയം, അന്വേഷണ സംഘം തിരയുന്ന ‘ഡി മണി’ താനല്ലെന്നും തന്റെ പേര് എം.എസ്. മണിയാണെന്നും ഇയാൾ വ്യക്തമാക്കി. കേസിലെ പ്രതികളിൽ ഒരാളുടെ ഫോണിൽ തന്റെ മൊബൈൽ നമ്പർ ഉണ്ടായിരുന്നതാണ് സംശയത്തിന് ഇടയായതെന്നും മണി പറഞ്ഞു.

ശബരിമല സ്വർണക്കവർച്ചയുമായി ബന്ധപ്പെട്ട് വിവാദമായ ‘ഡി മണി’ എന്ന പേരിൽ പരാമർശിക്കപ്പെടുന്ന വ്യക്തിയെക്കുറിച്ച് ദിണ്ടിഗലിലെത്തി എസ്ഐടി സംഘം ചോദ്യം ചെയ്തപ്പോഴാണ് എം.എസ്. മണി ഈ വിശദീകരണം നൽകിയത്.

സ്വർണക്കവർച്ച കേസുമായി ബന്ധപ്പെട്ട അന്വേഷണത്തെക്കുറിച്ച് തനിക്ക് യാതൊരു അറിവുമില്ലെന്നും, താൻ ഉപയോഗിക്കുന്ന മൊബൈൽ നമ്പർ ബാലമുരുകന്റെ പേരിലാണെന്നും എം.എസ്. മണി അന്വേഷണ സംഘത്തോട് പറഞ്ഞു.

ഈ നമ്പർ പ്രതികളിൽ ഒരാളുടെ ഫോണിൽ ഉണ്ടായിരുന്നതിനാലാണ് എസ്ഐടി സംഘം അന്വേഷിക്കാൻ എത്തിയതെന്നും ഇയാൾ അവകാശപ്പെട്ടു.

എം.എസ്. മണി അന്വേഷണ സംഘത്തിന് വിശദമായ മൊഴി നൽകിയിട്ടുണ്ട്. എന്നാൽ ലഭ്യമായ വിവരങ്ങൾ പ്രകാരം, അദ്ദേഹത്തിന്റെ മൊഴി പൂർണമായി വിശ്വസിക്കാവുന്നതാണെന്ന നിലപാടിലേക്ക് അന്വേഷണ സംഘം ഇതുവരെ എത്തിയിട്ടില്ല.

English Summary

The Special Investigation Team (SIT) has issued a notice to M.S. Mani in connection with the Sabarimala gold robbery case, asking him to appear in Thiruvananthapuram.

sabarimala-gold-robbery-sit-notice-ms-mani-denies-being-d-mani

sabarimala gold robbery, sit investigation, ms mani, d mani controversy, kerala crime news, gold smuggling case