ഡൽഹി: പ്ലേ ഓഫ് സാധ്യതകൾക്കായി പൊരുതുന്ന ഡൽഹി ക്യാപിറ്റൽസിന് കനത്ത തിരിച്ചടി. നായകനും വിക്കറ്റ് കീപ്പറുമായ റിഷഭ് പന്തിന് അടുത്ത മത്സരത്തിൽ ബിസിസിഐ വിലക്കേർപ്പെടുത്തി. രാജസ്ഥാൻ റോയൽസിനെതിരായ മത്സരത്തിലും കൃത്യസമയത്ത് മത്സരം പൂർ‌ത്തിയാക്കാൻ ഡൽഹിക്ക് കഴി‍ഞ്ഞിരുന്നില്ല. തുടർച്ചയായ മൂന്നാം മത്സരത്തിലും കുറഞ്ഞ ഓവർ നിരക്ക് ഉണ്ടായതോടെയാണ് പന്തിനെതിരെ നടപടി സ്വീകരിച്ചത്.
നാളെ റോയല്‍ ചലഞ്ചേഴ്സ് ബെംഗളൂരുവിനെതിരെയാണ് ഡല്‍ഹിയുടെ അടുത്ത മത്സരം. പന്തിന്റെ അഭാവം ഡൽഹിക്ക് കനത്ത തിരിച്ചടിയായേക്കും. ബെംഗളൂരുവിന്റെ ഹോം സ്റ്റേഡിയത്തിലാണ് നാളത്തെ മത്സരം.
ഐപിഎല്ലില്‍ 12 മത്സരങ്ങളില്‍ നിന്നായി ആറ് ജയമാണ് ഡൽഹിക്കുള്ളത്. പോയിന്റ് ടേബിളിൽ നിലവിൽ അഞ്ചാം സ്ഥാനത്താണ് ഡൽഹി. സീസണിലെ അവസാന മത്സരത്തിൽ ലഖ്നൗ സൂപ്പര്‍ ജയന്‍റ്സാണ് ഡല്‍ഹിയുടെ എതിരാളികള്‍.
Read Also: ഇന്ത്യൻ മെട്രോ റെയിൽ ചരിത്രത്തിൽ ആദ്യം; കൊച്ചി മെട്രോയുടെ ടിക്കറ്റ് ഇനി ഗൂഗിൾ വാലറ്റിലും
