ഒരേ ബോളിൽ രണ്ടു തവണ പുറത്താകുക സാധ്യമാണോ ? അതെ എന്ന് തെളിയിച്ചിരിക്കുകയാണ് ഇന്ത്യൻ ക്രിക്കറ്റ് താരം ഋഷഭ് പന്ത്. ഇന്ത്യൻ പ്രീമിയർ ലീഗിൽ ഡൽഹി ക്യാപിറ്റൽസ് ലഖ്നൗവിനെ തോൽപ്പിച്ച മത്സരത്തിലാണ് ഡൽഹി നായകനായപന്തിനു അബദ്ധം പറ്റിയത്. റിഷഭ് പന്തിന്റെ വിക്കറ്റാണ് സമൂഹമാധ്യമങ്ങളിൽ തരംഗമാകുന്നത്. ഡൽഹി ഇന്നിംഗ്സിന്റെ 16-ാം ഓവറിലെ മൂന്നാം പന്തിൽ രവി ബിഷ്ണോയ്ക്കെതിരെ സ്റ്റെപ് ഔട്ട് നടത്തിയ റിഷഭിന് പിഴച്ചു. റിഷഭിനെ മറികടന്ന് വിക്കറ്റ് കീപ്പർ കെ എൽ രാഹുലിന്റെ കൈകളിലെത്തി. ലഖ്നൗ നായകൻ പന്തിനെ സ്റ്റമ്പ് ചെയ്ത് പുറത്താക്കി. ഈ സമയത്ത് പന്തിന്റെ കൈയ്യിൽ നിന്നും വഴുതി അന്തരീഷത്തിൽ ഉയർന്ന ബാറ്റ് സ്റ്റമ്പിൽ വന്നു വീണു. അങ്ങിനെയും ഔട്ട്. ഡൽഹി സ്കോർബോർഡിൽ പക്ഷെ പന്ത് സ്റ്റമ്പിങ്ങിലൂടെ പുറത്തായെന്നാണ് രേഖപ്പെടുത്തിയിരിക്കുന്നത്. സംഭവത്തിൻെ വീഡിയോ ഇപ്പോൾ സോഷ്യൽ മീഡിയയിൽ വൈറലാണ്.
https://twitter.com/i/status/1778841299354816849
