കളിക്കളത്തിൽ മാത്രമല്ല, പുറത്തും താൻ ഹീറോയാണ് എന്ന് തെളിയിച്ചിരിക്കുകയാണ് ഡൽഹി ക്യാപിറ്റൽസിന്റെ താരം ഋഷഭ് പന്ത്. ഇന്നിങ്‌സിനിയെ തൻ അടിച്ച പന്തുകൊണ്ട് പരിക്കേറ്റ ക്യാമറാമാന്റെ അരികിൽ നേരിട്ടെത്തി ക്ഷമ ചോദിച്ചിരിക്കുകയാണ്‌ താരം. മത്സരത്തിൽ ഡൽഹി ഇന്നിംഗ്സിന്റെ 20-ാം ഓവറിലാണ് സംഭവം. മോഹിത് ശർമ്മയുടെ പന്ത് സിക്സറിന് തൂക്കിയപ്പോഴാണ് ക്യാമറാമാന് പരിക്കേറ്റത്. മത്സര ശേഷം ഡൽഹി പരിശീലകൻ റിക്കി പോണ്ടിംഗിനൊപ്പം എത്തിയായിരുന്നു പന്ത് ക്യാമറാമാനോട് മാപ്പു ചോദിച്ചത്. പരിക്കേറ്റയാൾ അവിടെയുണ്ടെന്ന് റിക്കി പോണ്ടിംഗ് ഗാലറിയിലേക്ക് ചൂണ്ടിക്കാട്ടി. ഉടൻ പന്ത് ക്ഷമ ചോദിക്കുകയായിരുന്നു. ”എന്റെ തെറ്റാണ്. അറിഞ്ഞുകൊണ്ടല്ല ആ തെറ്റ് ചെയ്തത്. താങ്കൾ വേഗത്തിൽ സുഖപ്പെടട്ടെ. എല്ലാ ആശംസകളും നേരുന്നു” ഋഷഭ് പറഞ്ഞു.
ഇന്ത്യൻ പ്രീമിയർ ലീഗിൽ ഇന്നലെ റിഷഭ് പന്തിന്റെ ദിനമായിരുന്നു എന്ന് പറയാം. 43 പന്തിൽ അഞ്ച് ഫോറും എട്ട് സിക്സും അടക്കം താരം അടിച്ചുകൂട്ടിയത് 88 റൺസാണ്. ഡൽഹിയെ മികച്ച സ്കോറിലെത്തിച്ചതും താരത്തിന്റെ ഈ തകർപ്പൻ പ്രകടനം തന്നെ. എന്നാൽ, അതിലും വലിയ കയ്യടി താരം നേടിയത് കളിക്കളത്തിനു പുറത്തെ ഈ മാന്യമായ പെരുമാറ്റത്തിനാണ്.
One of the camerapersons from our BCCI Production Crew got hit during the #DCvGT match.
Rishabh Pant – Delhi Capitals' captain and Player of the Match – has a special message for the cameraperson. #TATAIPL | @DelhiCapitals | @RishabhPant17 pic.twitter.com/wpziGSkafJ
— IndianPremierLeague (@IPL) April 24, 2024
