തിരുവനന്തപുരം: തൃശൂർ പൂരത്തിന് ആനക്ക് 50 മീറ്റര് ചുറ്റളവില് ആളുകള് പാടില്ലെന്ന ചീഫ് വൈല്ഡ് ലൈഫ് വാര്ഡന്റെ വിവാദ ഉത്തരവ് തിരുത്തി. ആനയ്ക്ക് അസ്വസ്ഥതയുണ്ടാക്കാത്ത വിദത്തിൽ സുരക്ഷ ക്രമീകരിച്ചാല് മതിയെന്നാണ് പുതിയ നിര്ദേശം. പുതിയ ഉത്തരവ് ഹൈക്കോടതിയെ ഉടൻ അറിയിക്കും.
പൂരത്തിന് ആനകളെ എഴുന്നള്ളിച്ചു കൊണ്ടുവരുമ്പോള് ആനകളുടെ 50 മീറ്റര് പരിധിയില് ആളുകള്, പടക്കങ്ങള്, തീവെട്ടികള്, താളമേളങ്ങള് തുടങ്ങിയവ പാടില്ലെന്നാണ് ചീഫ് വൈല്ഡ് ലൈഫ് വാര്ഡന്റെ സര്ക്കുലറില് നിര്ദേശിച്ചിരുന്നത്. സര്ക്കുലര് പുറത്തു വന്നതിനെത്തുടര്ന്ന് തൃശൂര് പൂരം നടത്തിപ്പ് അനിശ്ചിതത്വത്തിലാണെന്ന വാർത്തകൾ പുറത്തു വന്നിരിന്നു. സര്ക്കുലറിനെതിരെ ഹൈക്കോടതിയില് ഹര്ജി സമര്പ്പിക്കപ്പെടുകയും ചെയ്തിരുന്നു.നാട്ടാനകള് ഇടഞ്ഞോടിയാല് നിരോധിക്കപ്പെട്ട ചില ഉപകരണങ്ങള് ആനകള്ക്കെതിരെ ഉപയോഗിക്കരുതെന്ന് വനംവകുപ്പ് സര്ക്കുലറില് നിര്ദേശിച്ചിരുന്നു. ആ ഉപകരണങ്ങളുടെ പേരുകള് പുതിയ സര്ക്കുലറില് നിന്നും ഒഴിവാക്കിയിട്ടുണ്ട്.
50 മീറ്റര് ദൂരപരിധി പ്രായോഗികമല്ലെന്നാണ് പൂരം സംഘാടകര് അറിയിച്ചിരുന്നത്.
