പ്രസിഡന്റ് ജോജി എബ്രഹാം അധ്യക്ഷത വഹിച്ചു
അയർലണ്ടിലെ പ്രമുഖ സാംസ്കാരിക സംഘടനയായ ‘മലയാള’ത്തിന്റെ ആഭിമുഖ്യത്തിൽ എം ടി അനുസ്മരണം സംഘടിപ്പിച്ചു. താലായിലെ സയന്റോളജി ഹാളിൽ നടന്ന ചടങ്ങിൽ പ്രസിഡന്റ് ജോജി എബ്രഹാം അധ്യക്ഷത വഹിച്ചു. കെ പി ബിനു, സോമി തോമസ്, റോയി കുഞ്ചലക്കാട്ട്, ജിനുരാജ് മല്ലശ്ശേരി, ഷൈൻ പുഷ്പാംഗതൻ, ഷൈജു തോമസ്, ജിമ്മി ആന്റണി, ലിങ്ക് വിൻസ്റ്റാർ, സെബി സെബാസ്റ്റ്യൻ, വർഗീസ് ജോയി, സാബു ജോസഫ്, അജിത്ത് കേശവൻ, സുഭാഷ് മേനോൻ എന്നിവർ സംസാരിച്ചു.(Remembering MT Vasudevan Nair)
കെ പി ബിനുവും സാബു ജോസഫും എം ടി യുടെ സിനിമകളിലെ ഗാനങ്ങൾ ആലപിച്ചു. 2009-ൽ മലയാളം സംഘടനയുടെ ക്ഷണം സ്വീകരിച്ച് എം ടി അയർലൻഡിലെത്തി വിവിധ പരിപാടികളിൽ പങ്കെടുത്തിരുന്നു. രണ്ടാഴ്ച്ചക്കാലത്തെ അദ്ദേഹത്തിന്റെ അയർലണ്ട് ജീവിതത്തിനിടയിൽ അജിത്ത് കേശവൻ ക്യാമറയിൽ പകർത്തിയ നൂറു കണക്കിനുള്ള ചിത്രങ്ങളും ചെറു വീഡിയോകളും കോർത്തിണക്കിക്കൊണ്ട് അദ്ദേഹവും ടോബി വർഗീസും ചേർന്നൊരുക്കിയ വീഡിയോ പ്രദർശനവും നടന്നു.
ചടങ്ങിൽ സെക്രട്ടറി രാജൻ ദേവസ്യ സ്വാഗതവും ട്രഷറർ ലോറൻസ് കുര്യാക്കോസ് നന്ദിയും പറഞ്ഞു.
