കൊച്ചി: വിവാദമായ മോഹൻലാൽ ചിത്രം എമ്പുരാന്റെ എഡിറ്റ് ചെയ്ത പതിപ്പ് തിയേറ്ററുകളിലെത്താന് വൈകും. വെട്ടിമാറ്റലിന് ശേഷമുള്ള എമ്പുരാന് വ്യാഴാഴ്ചയോടുകൂടി പ്രദർശനത്തിനെത്തുമെന്നാണ് വിവരം. എഡിറ്റിങ്ങും സെന്സറിങ്ങും പൂര്ത്തിയായിട്ടുണ്ട്. എന്നാൽ സാങ്കേതികമായ നടപടിക്രമങ്ങള് ഇനിയുമുള്ളതാണ് കാലതാമസത്തിന് കാരണം.
റീ എഡിറ്റിങിന് ശേഷം ഞായറാഴ്ച രാത്രി തന്നെ എമ്പുരാന്റെ സെന്സറിങ് പൂര്ത്തിയാക്കി സര്ട്ടിഫിക്കറ്റ് നല്കിയിരുന്നു. സംഘപരിവാറിന്റെ പ്രതിഷേധത്തെ തുടര്ന്നാണ് എമ്പുരാനിലെ മൂന്ന് മിനിറ്റ് നീളുന്ന ദൃശ്യങ്ങൾ ഒഴിവാക്കിയത്.
ഗര്ഭിണിയെ ബലാത്സംഗം ചെയ്യുന്ന രംഗം ഉള്പ്പെടെയുള്ളവ ഒഴിവാക്കി എന്നാണ് വിവരം. ചിത്രത്തിലെ വില്ലന് കഥാപാത്രമായ ബജ്രംഗിയുടെ പേര് മാറ്റി ബല്രാജെന്നുമാക്കിയിട്ടുണ്ട്. എഡിറ്റ് ചെയ്തുനീക്കാനാകാത്ത ഭാഗങ്ങളിൽ സംഭാഷണം നിശബ്ദമാക്കാനും ആണ് തീരുമാനം.
അവധി ദിവസത്തിലാണ് സെന്സറിങും റീ എഡിറ്റിങ്ങും നടന്നത്. സിനിമയെച്ചൊല്ലിയുള്ള പ്രതിഷേധവും പരാതികളും ദേശീയ തലത്തിലടക്കം വ്യാപകമായി ഉയര്ന്നിരുന്നു. ആര്എസ്എസ് മുഖപത്രത്തിലടക്കം മോഹന്ലാലിനും പൃഥ്വിരാജിനുമെതിരെ വിമർശനം ഉയർന്നിരുന്നു.
