ഇടുക്കി: ഇടുക്കിയിൽ പന്നിയാറിലെ റേഷൻ കടയിൽ ചക്കകൊമ്പന്റെ ആക്രമണം. റേഷൻ കടയുടെ ചുമരുകൾ ആന ഇടിച്ച് തകർത്തു. വേലി തകർത്താണ് ചക്കക്കൊമ്പൻ അകത്ത് കയറിയത്. ഇന്ന് പുലർച്ചെ 3.30 യോട് കൂടിയാണ് ആന റേഷൻ കട ആക്രമിച്ചത്.
മുൻപ് അരിക്കൊമ്പൻ സ്ഥിരമായി തകർത്തിരുന്ന സ്ഥലമായിരുന്നു പന്നിയാർ എസ്റ്റേറ്റിലെ ഈ റേഷൻ കട. അന്ന് റേഷൻ കട സ്ഥിരമായി തകർക്കുന്നതിനാല് റേഷൻ കൊടുക്കാൻ പറ്റാത്ത സാഹചര്യം വന്നതോടെയാണ് അരിക്കൊമ്പനെ ഇവിടുന്ന് മാറ്റി, പിന്നീട് റേഷൻ കട പുതുക്കി പണിതത്. അരിക്കൊമ്പൻ പോയതിന് ശേഷം വലിയ രീതിയിലുള്ള അക്രമങ്ങളെന്നും ഈ ഭാഗത്ത് ഉണ്ടായിരുന്നില്ല.
എന്നാൽ ഇപ്പോൾ ഈ മേഖലയിൽ ഇറങ്ങിയ ചക്കകൊമ്പൻ വലിയ രീതിലുള്ള അക്രമങ്ങളാണ് നടത്തുന്നത്. റേഷൻ കടയുടെ ചുറ്റും വനം വകുപ്പ് വേലി ഇട്ടിരുന്നെങ്കിലും ഫലമുണ്ടായില്ല.
