വമ്പൻ ഓപ്പണിംഗ്; രൺവീർ സിംഗിന്റെ ‘ധുരന്ദർ’ 32.5 കോടി നേടി ലോകതലത്തിൽ തകർപ്പൻ തുടക്കം
രൺവീർ സിംഗ് നായകനാകുന്ന മാസ്സ് ആക്ഷൻ ത്രില്ലർ ‘ധുരന്ദർ’ തകർപ്പൻ ഓപ്പണിംഗുമായി ബോളിവുഡിൽ തരംഗമാകുന്നു.
ആദിത്യ ധർ സംവിധാനം ചെയ്യുന്ന ഈ വലിയ ബജറ്റ് ചിത്രത്തിന് ലോകതലത്തിൽ 32.5 കോടി രൂപയും, ഇന്ത്യയിൽ മാത്രം 27 കോടി നേറ്റ് കളക്ഷനുമാണ് ആദ്യ ദിവസം നേടാന് കഴിഞ്ഞത്.
പ്രമുഖ ട്രേഡ് അനലിസ്റ്റ് സാക്നിൽ റിപ്പോർട്ട് ചെയ്ത ഈ കണക്കുകൾ രൺവീറിന്റെ കരിയറിലെ മികച്ച ഓപ്പണിംഗുകളിൽ ഒന്നായി മാറുന്നു.
രാഹുലിന് താത്കാലിക ആശ്വാസം; അറസ്റ്റ് തൽക്കാലത്തേക്ക് തടഞ്ഞ് ഹൈക്കോടതി; 15ന് കേസ് പരിഗണിക്കും
ഒടിടി റൈറ്റ്സ് നെറ്റ്ഫ്ലിക്സിന്
ജിയോ സ്റ്റുഡിയോസ്, B62 സ്റ്റുഡിയോസ് എന്നിവ നിർമ്മിച്ച ദുരന്ദറിന്റെ ഒടിടി റൈറ്റ്സ് നെറ്റ്ഫ്ലിക്സ് സ്വന്തമാക്കി.
ആക്ഷനും വൻതോതിലുള്ള വയലൻസും കാരണം ‘എ’ സർട്ടിഫിക്കറ്റ് ലഭിച്ച ചിത്രത്തിന്റെ ദൈർഘ്യം 3 മണിക്കൂർ 34 മിനിറ്റ് ആകുന്നു. ചിത്രത്തിന്റെ ബജറ്റ് 280 കോടിയാണ്.
സഞ്ജയ് ദത്ത്, അക്ഷയ് ഖന്ന, ആർ മാധവൻ, അർജുൻ രാംപാൽ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
വൈറലായ ടൈറ്റിൽ ട്രാക്ക്
ടൈറ്റിൽ ട്രാക്ക് പുറത്തിറങ്ങിയതോടെ തന്നെ സോഷ്യൽ മീഡിയയിൽ വിപുലമായ പ്രതികരണം ലഭിച്ചു.
ശാശ്വത് സച്ച്ദേവ്–ചരൺജിത് അഹൂജ കൂട്ടുകെട്ടിന്റെ സംഗീതത്തിൽ, ഹിപ്-ഹോപ്പ്, പഞ്ചാബി ഭാവം, സിനിമാറ്റിക് ഗ്രിറ്റ് എന്നിവയുടെ മിശ്രിതമായ ഈ ഗാനം യൂട്യൂബിൽ വലിയ രീതിയില് ട്രെൻഡിംഗായി.
ഹനുമാൻകൈൻഡ്, ജാസ്മിൻ സാൻഡ്ലാസ്, ശാശ്വത് സച്ച്ദേവ് എന്നിവരാണ് ഗായകർ. ഇത് ഹനുമാൻകൈൻഡിന്റെ ആദ്യ ബോളിവുഡ് പ്രോജക്റ്റുമാണ്.
ധുരന്ദർ ടീമും ടെക്നിക്കൽ ക്രൂവും
രൺവീറിന്റെ തീവ്രമായ സ്ക്രീൻ പ്രെസൻസിനെ ശക്തമാക്കുന്ന ആക്ഷൻ രംഗങ്ങൾ ചിത്രത്തിന്റെ ഹൈലൈറ്റാണ്.
‘ഉറി: ദി സര്ജിക്കല് സ്ട്രൈക്’ കൊണ്ട് പ്രശസ്തനായ ആദിത്യ ധർ എഴുതി സംവിധാനം ചെയ്ത ചിത്രമാകുന്നു ധുരന്ദർ.
ക്രൂ അംഗങ്ങൾ:
ഛായാഗ്രഹണം – വികാഷ് നൗലാഖ
എഡിറ്റർ – ശിവകുമാർ വി. പണിക്കർ
ആക്ഷൻ – എജെസ് ഗുലാബ്, സീ-യങ് ഓ, യാനിക്ക് ബെൻ, റംസാൻ ബുലുത്
വസ്ത്രാലങ്കാരം – സ്മൃതി ചൗഹാൻ
പി.ആര് – ശബരി
English Summary:
Ranveer Singh’s mass action thriller Dhurandar opened strongly with a global collection of ₹32.5 crore and ₹27 crore net in India. Directed by Aditya Dhar, the 3-hour-34-minute film, budgeted at ₹280 crore, has received positive reviews. Netflix has acquired its OTT rights. The title track has gone viral, and the film features major actors like Sanjay Dutt, Akshaye Khanna, R. Madhavan, and Arjun Rampal.
