ഇന്ന് മുതൽ മഴ കനക്കും
തിരുവനന്തപുരം: സംസ്ഥാനത്ത് ഇന്നു മുതല് മഴ ശക്തമാകുമെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. അടുത്ത ഏഴു ദിവസം ആണ് മഴയ്ക്ക് സാധ്യതയുള്ളത്.
തെക്ക് പടിഞ്ഞാറന് ബിഹാറിന് മുകളിലായി ന്യൂനമര്ദ്ദം സ്ഥിതിചെയ്യുന്നു. വടക്ക് കിഴക്കന് രാജസ്ഥാനു മുകളില് ചക്രവാതചുഴി സ്ഥിതിചെയ്യുന്നു. ഇവയുടെയെല്ലാം സ്വാധീന ഫലമായാണ് കേരളത്തിൽ മഴ ലഭിക്കുന്നുണ്ട്.
കേരളത്തില് ജൂണ് 22 മുതല് 27 വരെയുള്ള തീയതികളില് ഒറ്റപ്പെട്ട ശക്തമായ മഴയ്ക്കും സാധ്യതയെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകി.
ഏഴു ജില്ലകളില് ഇന്ന് അതിശക്ത മഴ
നിലവിലെ സാഹചര്യം കണക്കിലെടുത്ത് സംസ്ഥാനത്തെ ഏഴു ജില്ലകളില് ഇന്ന് അതിശക്ത മഴ മുന്നറിയിപ്പ് നൽകിയിട്ടുണ്ട്. ആലപ്പുഴ, എറണാകുളം, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലാണ് ഇന്ന് കാലാവസ്ഥാ വകുപ്പ് യെല്ലോ അലര്ട്ട് പുറപ്പെടുവിച്ചത്.
കൂടാതെ മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളില് നാളെ മുതല് ബുധനാഴ്ച വരെ അതിശക്ത മഴ മുന്നറിയിപ്പുണ്ട്.
ഒറ്റപ്പെട്ടയിടങ്ങളില് ശക്തമായ മഴയ്ക്കും മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പിൽ പറയുന്നു.
മത്സ്യത്തൊഴിലാളികൾക്ക് ജാഗ്രത നിര്ദേശം
ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാൽ മത്സ്യത്തൊഴിലാളികൾക്ക് ജാഗ്രതാ നിർദേശം നൽകിയിട്ടുണ്ട്.
മധ്യ കിഴക്കന് അറബിക്കടലിന്റെ പടിഞ്ഞാറന് ഭാഗങ്ങള്, അതിനോട് ചേര്ന്ന മധ്യ പടിഞ്ഞാറന് അറബിക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് 65 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യത എന്നാണ് അറിയിപ്പ്.
കൂടാതെ മധ്യ പടിഞ്ഞാറന് അറബിക്കടല്, അതിനോട് ചേര്ന്ന മധ്യ കിഴക്കന് അറബിക്കടല്, വടക്കന് അറബിക്കടല് അതിനോട് ചേര്ന്ന തെക്ക് പടിഞ്ഞാറന് അറബിക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് 65 കിലോമീറ്റര് വരെയും വേഗതയില് ശക്തമായ കാറ്റിന് സാധ്യത ഉണ്ടെന്നും മുന്നറിയിപ്പിൽ പറയുന്നു.
മധ്യ കിഴക്കന് അറബിക്കടല് അതിനോട് ചേര്ന്ന വടക്ക് കിഴക്കന് അറബിക്കടല്, അതിനോട് ചേര്ന്ന മധ്യ പടിഞ്ഞാറന് അറബിക്കടല്, ഗുജറാത്ത് തീരം, കൊങ്കണ് തീരം, വടക്കന് ആന്ധ്ര പ്രദേശ് തീരം അതിനോട് ചേര്ന്ന തെക്കന് ആന്ധ്ര പ്രദേശ് തീരം,
മധ്യ ബംഗാള് ഉള്ക്കടല്, തെക്ക് പടിഞ്ഞാറന് ബംഗാള് ഉള്ക്കടല്, തെക്ക് കിഴക്കന് ബംഗാള് ഉള്ക്കടല്, ആന്ഡമാന് കടല് എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വരെയും ചില അവസരങ്ങളില് 60 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
അതേസമയം വടക്കേ ഇന്ത്യയില് കനത്ത മഴയ്ക്ക് സാധ്യതയുള്ളതിനാല് കാലാവസ്ഥാ വകുപ്പ് യെല്ലോ അലര്ട്ട് പ്രഖ്യാപിച്ചിരിക്കുകയാണ്.
ഞായറാഴ്ചയും തിങ്കളാഴ്ചയും ഇടിയോടുകൂടിയ കനത്ത മഴയ്ക്ക് സാധ്യതയുണ്ടെന്നാണ് മുന്നറിയിപ്പിൽ പറയുന്നത്.
മറുവശത്ത്, ഉത്തരാഖണ്ഡ്, ഹിമാചല് പ്രദേശ്, ജമ്മു എന്നിവിടങ്ങളില് മഴ ആശ്വാസവും ദുരിതവും ഒരുപോലെ നല്കിയിരിക്കുകയാണ്. ചില പ്രദേശങ്ങളില് മണ്ണിടിച്ചിലും റിപ്പോര്ട്ട് ചെയ്തിട്ടുണ്ട്.
Summary: The India Meteorological Department has issued a warning indicating that rainfall will intensify in Kerala starting today. Widespread rain is expected across the state over the next seven days.
