മതിയായ രേഖകളില്ലാതെ ട്രെയിനിൽ കടത്തുകയായിരുന്ന 35.92 ലക്ഷം രൂപ പുനലൂർ റെയിൽവേ പോലീസ് പിടിച്ചെടുത്തു. സംഭവത്തിൽ ഒരാൾ പിടിയിലായി. ആലപ്പുഴ കാവാലം സ്വദേശി പ്രസന്നനെയാണ് (52) കസ്റ്റഡിയിലെടുത്തത്. Railway police seized Rs 35.92 lakh brought in the train without sufficient documents.
കൊല്ലം – ചെങ്കോട്ട പാതവഴി മധുരയിൽ നിന്നും ഗുരുവായൂരിലേക്ക് വന്ന തീവണ്ടിയിൽ നിന്നാണ് വ്യാഴാഴ്ച വൈകിട്ട് അഞ്ചുമണിയോടെ പണം കണ്ടെടുത്തത്.
പണം കോടതിയിൽ ഹാജരാക്കിയ ശേഷം ആദായനികുതി വകുപ്പിന് കൈമാറുമെന്ന് എസ്.എച്ച്.ഒ. പറഞ്ഞു.
500 രൂപയുടെ 72 കെട്ടുകളായി തോൾബാഗിലാണ് പണം സൂക്ഷിച്ചിരുന്നത്. പ്രസന്നനോട് ഉറവിടത്തെക്കുറിച്ച് അന്വേഷിച്ചെങ്കിലും വ്യക്തമായ ഉത്തരം ലഭിച്ചില്ല. തുടർന്നാണ് ഇയാളെ കസ്റ്റഡിയിലെടുത്തത്.
പുനലൂർ സ്റ്റേഷൻ ഹൗസ് ഓഫീസർ ജി.ശ്രീകുമാർ, സീനിയർ സിവിൽ ഓഫീസർമാരായ ഷെമീർ, സജി, സിവിൽ ഓഫീസർമാരായ അരുൺ മോഹൻ, ശ്യാം എന്നിവരുടെ നേതൃത്വത്തിലായിരുന്നു പരിശോധന.
