രാഹുൽ മാങ്കൂട്ടത്തിലിന്റെ ചങ്കിന് വിജയം
പത്തനംതിട്ട ∙ തദ്ദേശ തിരഞ്ഞെടുപ്പിൽ പാലക്കാട് എംഎൽഎ രാഹുൽ മാങ്കൂട്ടത്തിൽ അനുകൂല ഫലവും പ്രതികൂല തിരിച്ചടിയും ഒരുമിച്ച്.
പത്തനംതിട്ട ജില്ലയിലെ ഏറത്ത് പഞ്ചായത്തിൽ രാഹുലിന്റെ വിശ്വസ്തനായി കണക്കാക്കപ്പെടുന്ന യുഡിഎഫ് സ്ഥാനാർത്ഥി റിനോ പി. രാജൻ വിജയിച്ചു.
ഏറത്ത് പഞ്ചായത്ത് ആറാം വാർഡായ കിളിവയലിൽ നിന്നാണ് റിനോ മത്സരിച്ചത്. 240 വോട്ടുകളുടെ ഭൂരിപക്ഷത്തിലാണ് റിനോ പി. രാജന്റെ വിജയം.
അതേസമയം, രാഹുൽ മാങ്കൂട്ടത്തിലിന്റെ മറ്റൊരു വിശ്വസ്തനായ ഫെനി നൈനാന് അടൂർ നഗരസഭയിലെ ഉപതിരഞ്ഞെടുപ്പിൽ പരാജയമുണ്ടായി. എട്ടാം വാർഡിൽ യുഡിഎഫ് സ്ഥാനാർത്ഥിയായിരുന്ന ഫെനി നൈനാൻ മൂന്നാം സ്ഥാനത്തേക്കാണ് പിന്തള്ളപ്പെട്ടത്.
ഈ വാർഡിൽ ബിജെപി തങ്ങളുടെ നിലവിലെ വിജയം ആവർത്തിച്ചു. രാഹുൽ മാങ്കൂട്ടത്തിലുമായി ബന്ധപ്പെട്ട ബലാത്സംഗ കേസുമായി ബന്ധപ്പെട്ട് ഫെനി നൈനാനെതിരെയും മുമ്പ് ഗുരുതര ആരോപണങ്ങൾ ഉയർന്നിരുന്നു.
ഇതിനിടെ, പത്തനംതിട്ട നഗരസഭയിൽ യുഡിഎഫ് വലിയ മുന്നേറ്റമാണ് നടത്തുന്നത്. നഗരസഭയിൽ യുഡിഎഫ് അധികാരം ഉറപ്പിച്ച സാഹചര്യത്തിൽ പ്രവർത്തകർ ആഹ്ലാദ പ്രകടനം നടത്തി.
നഗരസഭയിലെ 16-ാം വാർഡിൽ 248 വോട്ടുകളുടെ ഭൂരിപക്ഷത്തിൽ കോൺഗ്രസ് വിമതനായ ബിബിൻ ബേബി വിജയിച്ചു. കോൺഗ്രസ് സ്ഥാനാർത്ഥിയും നിലവിലെ പ്രതിപക്ഷ നേതാവുമായ ജാസിം കുട്ടിയെയാണ് ബിബിൻ ബേബി പരാജയപ്പെടുത്തിയത്.
English Summary
In the local body elections, a mixed outcome emerged for Palakkad MLA Rahul Mankootathil’s camp. His trusted aide Rino P. Rajan won the Erathu Panchayat Ward 6 seat in Pathanamthitta with a comfortable margin. However, another close associate, Fenny Nainan, faced defeat in the Adoor Municipality by-election. Meanwhile, the UDF secured control of the Pathanamthitta Municipality with significant gains.
rahul-mankootathil-aide-wins-erathu-panchayat-udf-gains-pathanamthitta
Rahul Mankootathil, Pathanamthitta Local Elections, UDF, Kerala Politics, Panchayat Results, Municipality Election
