ഡൽഹി: ബിജെപി മൂന്നാം തവണയും അധികാരത്തിൽ എത്തുമെന്ന എക്സിറ്റ് പോളിനെ തുടർന്ന് പ്രതികരണവുമായി കോൺഗ്രസ് നേതാവ് രാഹുൽ ഗാന്ധി. ഇതിനെ എക്സിറ്റ് പോൾ എന്നല്ല മോദി പോൾ എന്നാണ് വിളിക്കേണ്ടതെന്ന് രാഹുൽ ഗാന്ധി പറഞ്ഞു. ഇത് ഫാൻ്റസി പോൾ ആണെന്നും അദ്ദേഹം പരിഹസിച്ചു. പാർട്ടി അധ്യക്ഷൻ മല്ലികാർജുൻ ഖാർഗെയുമായി നടത്തിയ കൂടിക്കാഴ്ചയ്ക്ക് ശേഷമാണ് അദ്ദേഹത്തിൻ്റെ പരാമർശം. ഇൻഡ്യ മുന്നണി 295ന് മുകളിൽ സീറ്റ് നേടുമെന്നും രാഹുൽ ഗാന്ധി പറഞ്ഞു.
അതേസമയം എക്സിറ്റ് പോള് ഫലങ്ങള്ക്ക് പിന്നില് ഓരോ ദേശീയ മാധ്യമങ്ങള്ക്കും ചില രാഷ്ട്രീയ താല്പര്യങ്ങളുണ്ടെന്ന് ആണ് കെപിസിസി അധ്യക്ഷന് കെ സുധാകരന്റെ പ്രതികരണം. എക്സിറ്റ് പോളില് വിശ്വാസമില്ലെന്നും ഇന്ഡ്യ മുന്നണി വിജയിക്കുമെന്നുമാണ് കോണ്ഗ്രസ് നേതാവ് രമേശ് ചെന്നിത്തല പ്രതികരിച്ചത്. കോണ്ഗ്രസ് അധ്യക്ഷന് പറഞ്ഞതുപോലെ 295 സീറ്റ് നേടും. കേരളത്തില് 20ല് 20 സീറ്റും നേടും. അതിനുള്ള എല്ലാ സാഹചര്യവുമുണ്ട്. ബിജെപി കേരളത്തില് അക്കൗണ്ട് തുറക്കില്ലെന്നും ചെന്നിത്തല പറഞ്ഞു.
