അതിജീവിതയെ അധിക്ഷേപിച്ചെന്ന കേസിൽ രാഹുൽ ഈശ്വറിന് ജാമ്യം
തിരുവനന്തപുരം: രാഹുൽ മാങ്കൂട്ടത്തിൽ എംഎൽഎയ്ക്കെതിരായ പീഡനക്കേസിലെ പരാതിക്കാരിയെ സമൂഹമാധ്യമത്തിലൂടെ അധിക്ഷേപിച്ചെന്ന കേസിൽ രാഹുൽ ഈശ്വറിന് ഒടുവിൽ ജാമ്യം ലഭിച്ചു.
രണ്ട് തവണ ജാമ്യാപേക്ഷ തള്ളിയതിന് ശേഷമാണ് പ്രിൻസിപ്പൽ സെഷൻസ് കോടതി ഇന്ന് ജാമ്യം അനുവദിച്ചത്.
അറിഞ്ഞുകൊണ്ട് താൻ ഒരു തെറ്റും ചെയ്തിട്ടില്ലെന്നും, 16 ദിവസമായി ജയിലിൽ കഴിയുകയാണെന്നും രാഹുൽ ഈശ്വർ കോടതിയിൽ വ്യക്തമാക്കി.
എന്നാൽ അന്വേഷണവുമായി സഹകരിക്കാത്ത സാഹചര്യത്തിലാണ് പ്രതിയെ രണ്ട് തവണ കസ്റ്റഡിയിൽ വാങ്ങേണ്ടി വന്നതെന്ന് പ്രോസിക്യൂഷൻ കോടതിയെ അറിയിച്ചു.
പരാതിക്കാരിയായ യുവതിയെ സമൂഹമാധ്യമങ്ങളിലൂടെ അധിക്ഷേപിച്ചെന്ന പരാതിയിൽ സൈബർ പൊലീസാണ് രാഹുൽ ഈശ്വറിനെ അറസ്റ്റ് ചെയ്തത്.
ആളെ തിരിച്ചറിയാൻ കഴിയുന്ന തരത്തിലുള്ള വിവരങ്ങൾ പങ്കുവച്ചുവെന്നാരോപിച്ച്, രാഹുൽ ഈശ്വറിനൊപ്പം സന്ദീപ് വാര്യർ അടക്കമുള്ള ആറുപേർക്കെതിരെയാണ് കേസ് രജിസ്റ്റർ ചെയ്തത്.
യുവതിയുടെ വ്യക്തിത്വം വെളിപ്പെടുത്തൽ, സ്ത്രീത്വത്തെ അപമാനിക്കൽ, ഭീഷണിപ്പെടുത്തൽ, ഇലക്ട്രോണിക് ഉപകരണങ്ങളുടെ ദുരുപയോഗം തുടങ്ങിയ വകുപ്പുകളാണ് ചുമത്തിയിരിക്കുന്നത്.
ഇതിൽ രണ്ട് വർഷം വരെ തടവുശിക്ഷ ലഭിക്കാവുന്ന വകുപ്പുകളും ഉൾപ്പെടുന്നു.
മഹിളാ കോൺഗ്രസ് പത്തനംതിട്ട ജില്ലാ സെക്രട്ടറി രഞ്ജിത പുളിക്കനാണ് കേസിലെ ഒന്നാം പ്രതി. അഭിഭാഷക ദീപ ജോസഫും ‘ദീപ ജോസഫ്’ എന്ന പേരിലുള്ള മറ്റൊരു സോഷ്യൽ മീഡിയ അക്കൗണ്ട് ഉടമയും രണ്ടും മൂന്നും പ്രതികളാണ്.
അതേസമയം, സന്ദീപ് വാര്യറിന്റെ ജാമ്യപേക്ഷയിൽ വാദം കേൾക്കുന്നത് കോടതി നാളത്തേക്ക് മാറ്റിയിട്ടുണ്ട്.
English Summary
Rahul Eshwar has been granted bail by the Principal Sessions Court in a case related to allegedly insulting the complainant in the sexual assault case involving MLA Rahul Mankootathil. After two earlier rejections, the court allowed bail, noting Eshwar’s arguments, while the prosecution cited lack of cooperation during the investigation. The case, registered by cyber police, also names several others, including Congress leader Sandeep Warrier, under charges such as revealing the victim’s identity, insulting modesty, criminal intimidation, and misuse of electronic media.
rahul-eswar-gets-bail-complainant-insult-case-rahul-mankootathil
rahul eshwar, rahul mankootathil, cyber crime case, bail granted, social media abuse, women harassment case, kerala news
